Job 13
13
1Sa gala ezgode dikhlem,
asundem ta achardem.
2Gia sar llanen le tumen, i me llanavle
ni sem mai tele tumendar.
3A me sai dav orba golea kai si le sa e zor,
ta sai dav mi orba e Devlea.
4Soke tumen cheren o bilachipe,
ta sen doktoria kai ni sastaren.
5Daboida te na den orba,
ta gua te avel tumaro bizaipe.#Pr 17.28.
6Akana asunen pe so reslem,
ta thoven sama pe orba kai ka dav.
7¿Ka den orbe kojamne ande Devleko anav?
¿Ka phenen o kojaipe ande leko anav?
8¿Ka thoven tumen te den orba pala le?
¿Ka maren tumen pala o Del?
9¿Avela mai sukar te dikhel vou so sen tumen?
¿Ka maren letar espurnia sargo katar iek manus?
10Vou ka del pe tumende,
te dien orba po chorial pala le.
11Chachimaia o baripe e Devleko ka daravel tumen,
ta leki dar ka perel pe tumende.
12Tumare orbe si sargo prajo
tumaro chachardipe si sargo glibo.
13Asunen man kai ka dav orba me,
ta mapalal te avelpe mandar so avela.
14¿Soke ka ikanav mo mas me dandenchar
ta ka lav mo zivoto ande me va?
15I te mundarela man me ka aduricharav letar,
sogo avelape, ka phenav mo chachipe angla le.
16Ta isto vou ka avel mo braduipe
soke ni ka avel angla le o bilacho.
17Thoven sama ta asunen so misliu man,
ta mi orba te del ande tumare kan.
18Te pheneu tumenge akana mi orba,
llanav kai ka avav chachardo.
19¿Ko ka dosarel man akana?
soke te na phendem niso ka merav.
20Samo dui ezgode na cher manchar,
ta ondaka ni ka gurudivav tutar:
21Le cho va kai si pharo pe mande,
ta te na chudiu man katar chi dar.
22Mapalal de man mui, ta me ka dav anglal,
o me ka dav orba, ta tu ka de anglal.
23¿Gachin bilachipe si man?
Cher te llanav pe so ni kandav
ta pe so cherav o bilachipe.
24¿Soke gurudo mandar,
ta dikhe man sargo cho dusmano?#Sal 44.24.
25¿Mange te phage e patrin kai pelitar,
mange te lla pala e char suki?
26Tu pisi mo bilachipe
ta dosare man katar so cherden ande mo ternipe.
27Ta i phande me porrne pe kotora kastune
ta dikhe pe sa so cherav,
ta prezo man kaigo phirav.
28Jalivav sargo iek kas kai cherniol,
sargo e patave kai jal len e papuruga,
Currently Selected:
Job 13: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
