Job 15
15
E duito orbe
Caps. 15—21
Elifas
1O Elifas o temanita phenda:
2¿O lleno bizai ka del orbe kai ni mol len niso,
ta ni ka phenel alava kai si sargo e balav?
3¿Ka del orbe kai ni phenen niso
ta ka phenel alava kai ni ka dobil lenchar niso?
4Tu chere te llaltar o liubao
ta muri o molipe karing o Del.
5Isto tu phendan cho bilachipe,
soke dian orba sargo e llangle.
6Cho mui ka thovel e dos pe tute
ta chi orba ka dosarel tut.
7¿A so, biandilan tu mai oma neko o Adan?
¿O avilan cherdo mai anglal neko e burdura?
8¿Asundan tu e orbe gurudine e Devleke?
¿O si tut sa o bizaipe?#Is 40.13; Jer 23.18; Ro 11.34.
9¿So llane tu kai amen ni llana?
¿So achare tu kai amen nasti achara?
10Maskar amende si phure kai parrnile lenge bal,
ta si mai phure neko cho dad.
11¿Gia oma o Del dia tut zor,
ta lian e alava kai phendon chuke volimaia?
12¿Soke cho lio duriavel tut,
ta soke dikhol o bilachipe ande che akhenchar?
13¿Soke marelpe cho duo e Devlea,
ta phene gola alava?
14¿So si o manus te avel chisto,
ta te chacharel vou pe
gua kai biandilo katar iek diskinia?
15O Del ni uzdilpe ni ande pe suechura,
ni o miloso inai chisto angla le,
16Ios mai tele si leke o manus kai si bilacho
ta kai phagel pi trus e bilachimaia.
17Asun man, me ka sikavav chuke,
ta ka phenav chuke so dikhlem.
18So phende amenge e bizai katar pe dada,
ta ni ucharde lendar niso,
19kai e phuv saia dini samo lenge,
ta maskar lende ni nakhla lleno
te na avel katar lengi phuv.
20Sa so zivil o lleno bilacho nakhel duk,
ta llinde si bursa kai ka zivil o lleno bilacho.
21Girmipe darano si ande leke kan,
ando barvalipe ka avel pe lete gua kai zatril.
22Vou ni pachal kai ka braduilpe katar o truniariko,
o jarni aduricharel le a vou inai uchardo.
23Phirel truial ta rodel marrno, ta urkil:
¿Kaitalo? Llanel ka aduricharel le o llive truniariko.
24Ni ka llanel so te cherel pala e briga ta e belava,
ta ka avel lete sargo iek charo ka llal te maripe.
25Soke vou vazdia po va po Del,
ta cherda baripe angla Del kai si le sa e zor.
26Prastia te marelpe lea
ando baripe katar po eskudo.
27Soke leko mui saia thulo
ta dikhola e khoi pe leko maskar.
28Zivisarda ande forura zatrime
ande chera puste ta phage.
29Ni ka llal leke sukar ta ka jasarel po barvalipe,
ta ni ka avel barvalo ande suako phuv.
30Ni ka nasel katar o truniariko,
o plameko ka sukarel leke patra,
ta o Del ka phurdel pe lete ta ka merel.
31Te na uzdinpe e dile ande so ni mol le niso,
soke gua si so ka len.
32Vou ka avel chindo mai anglal katar leko vreme,
ta nikada ni ka zelenin leke patra.
33Ni ka guglion leke drakha,
ta ka peren e lulunlla katar e maslinke.
34Soke e llene kai ni pachan
ka aven zatrime,
ta ka phabon lenge chera
kai barvaile po kojaipe.
35Cherde e duk ta avila len o bilachipe
andre ande lende si o kojaipe.
Currently Selected:
Job 15: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
