Job 12
12
Job
1Ondaka o Job phenda:
2Chachimaia tumen sen o foro
ta kana tumen ka meren
ni ka avel ios bizaipe.
3I man si bizaipe sargo tumen,
ta tumen ni sen mai bizai neko me,
¿savi ezgode nevi phenden tumen?
4Tumaro amal asal peke mandar,
kai moliv man e Devleke ta del mange anglal,
ta sa iek maren espurnia katar o chacho ta orta.
5O lleno kai sinzan leke porrne si sargo iek lampara
kai ni thovel lake sama o lleno kai si ando bulipe.
6Barvaon e chare katar e chorane,
ta zivin bidarako gola kai den joli e Devle,
a o Del dia len sa so si len.
7Gia si, lla kai e zivirinie
ta puch len, ta von ka sikaven chuke,
o kai e chiriklia te phenen chuke.
8O de orba e phuviaia, ta voi ka sikavel tut,
o kai e mache kai si ande mora
te phenenle chuke i von.
9Von llanen kai o Del cherda sa e ezgode.
10Ande leko va si suako zivoto,
ta o duo katar suako manus.
11Chachimaia o kan pinllarel e alava,
ta o mui llanel kana si iek lacho jape.#Job 34.3.
12E phure si llangle,
ta e llene purane si len bizaipe.
13E Devlea si o bizaipe ta e zor,
leko si o sikadipe ta o bizaipe.
14So vou phagela, niko nasti vazdel le pale,
ka phandel e manuse
ta ni ka avel ko te putarel leke.
15Te achavel e paia, sa sukol,
a te bichalel len, zatrin e phuv.
16Ande leke va si e zor ta o bizaipe,
leko o kojado ta gua kai kojavel.
17Vou cherel te na llanen so ka cheren
gola kai sikaven averen,
ta cherel te diliaon e krisaria.
18Vou chinel e bilachenge lanchura,
ta phandel iek solo pe lenge zea.
19Vou inllarel puste e glamne llenen,
ta diliarel e llenen kai si mai zurale.
20Ni mukel te den orba
gola kai phenen o chachipe,
ta lel katar e phure e orbe kai sikaven.
21Lel o liubao katar e glamne llene,
ta putarel e zuralengo kavisi.
22Vou cherel te dikhol truniariko mai gurudino,
ta ikanel ando villelo e senka merimaki.#Dn 2.22.
23Vou cherel te barion e phuvia, ta i zatril len,
rispil e phuvien, ta pale chidel len.
24Vou lel o bizaipe katar e gazda e phuvienge,
ta cherel len te phiren po pusto kai inai drom.
25Llan pipindo sargo ando truniariko ta bi villeloko,
ta cherel len te peren sargo mate.
Currently Selected:
Job 12: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
