Job 11
11
Zofar
1Ondaka o Zofar o naamitita phenda:
2¿Ni ka phendol niso goleke kai del but orbe?
¿Ta pala e but orbe o manus ka avel chachardo?
3¿Misli kai che orbiche ka achaven e llenen?
¿Ta kai niko ni ka del pe tute te ache ando lallao?
4Tu phene:
So me pachav si chacho,
ta me sem chisto angla tu.
5¡Ioi, so dava te putarel po mui o Del
ta te del tuia orba,
6ta te phenel chuke o bizaipe kai si gurudino,
kai mol le dui droma mai but neko o barvalipe!
Ondaka ka llane kai o Del dia tut
iek duk mai minoni neko so saia te le
pala o bilachipe kai cherdan.
7¿Sai pinllare e ezgode gurudine e Devleke?
¿Sai ave orta gia sar si o Del kai si le sa e zor?
8¿So ka chere kana si mai upre neko o miloso?
¿Sar ka pinllare len kana si mai tele neko o limori?
9Lengo lungipe si mai baro neko e phuv,
ta lengo bulipe si mai baro neko e mora.
10A te avel o Del te phandel ta te chinel e kris,
¿Ko ka achavel le?
11Vou pinllarel e bilache llenen,
dikhel o bilachipe ¿ta ni ka thovel sama?
12O lleno bilacho ka cherdol bizai,
kana iek magarcha ka bianel iekhe manuse.
13A te de le cho lio, ta te vazde lete che va,
14te avela tut varesavo bilachipe
ta te chudea le tutar,
ta te na mukea ande chi chara o bilachipe,
15ondaka ka uste bi lallaimaia,
ka ave zuralo ta ni ka avel chuke dar,
16ka bristare cho chorripe,
ta ka avel chuke sargo iek pai kai nakhlo.
17O zivoto ka avel chuke bristo sargo o llive,
i te avela o truniariko,
chuke ka avel sargo e thiarin.
18Ka uzdi tut soke si so adurichare,
ka dikhe truial tutar ta ka sove bidarako.
19Ka sove ta niko ni ka phagel chi lindri,
ta but llene ka mangen te aven pasa tu.
20A e bilache ni ka llanen kai ka gurudon,
ka avel o truniariko pe lenge akha
ta ka aduricharen o meripe.
Currently Selected:
Job 11: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
