Jeremias 9
9
1¡Ioi, so dava te avel mo soro sargo e mora,
ta me akha sargo iek baro pai
te rovav sorro llive ta sorro riat,
pala e llene kai mule e chorrake katar mo foro!#Lm 3.48-51.
2¡Ioi, te del man vareko iek than po pusto
kote kai achen e llene kai phiren,
te mukav me foro, ta te durivav lendar!
Soke saurre cherde o kurvaluko,
ta si but llene bilache.
3Sargo iek arko lengi chib chudia o kojaipe,
ta ni lie peke zor ando chachipe pe phuv,
soke cherde bilachipe pala o bilachipe,
ta ni pinllarde man, phenel o Del.
4Te arakhelpe suako lleno averetar,
ta te na uzdilpe ande ni iek phlal,
soke sa e phlal kojaven
ta sa e amal ikanel bune.
5Ta suako lleno kojavel pe amale,
te ni iek ni phenel o chachipe,
sikadili lengi chib te kojavel,
ta thovenpe te cheren o bilachipe.
6Zivin po maskaral katar o kojaipe,
O Del phenel:
Nikamle te pinllaren man
soke si but kojamne.
7Goleke o Del kai si le sa e zor phenel gia:
Me ka chistou len ta ka zumavav len,
soke ¿so ios sai cherav pala e chorri me foroki?
8Iek llida ostri si lengi chib, del orba kojaipe,
katar po mui phenel pas pe amaleke,
a andral mangel te zatril le.
9O Del phenel:
¿Ni ka dukhavav len pala gala ezgode?
¿Ni ka pochinav gale foroke?
10Pe burdura ka rovav ta ka kukiu,
ta ka rovav pe umalia katar o pusto,
soke achile gia puste kai niko ni nakhla,
ta ni asundile e guruva, nasle e zivirinie
ta i e chiriklia ta lleletar.
11O Jerusalem Ka cherav te cherdol
iek umpa phagipe, kote ka zivin e llukela dive,
ta ka cherav e forura katar o Juda
te achen puste te na zivil andre niko.
12¿Savo murus si bizai te acharel gaia orba? ¿Ta kake dia orba o Del, te sai phenel le? ¿Soke muli e phuv, avili zatrime sargo pusto, a inai ko te nakhel?
13O Del phenda:
Soke mukle mo zakono, kai diem le angla lende, te ni kandie man, ta ni phirde prema so phendem, 14ta llele pala so mislilape ande po lio, ta pala aver dela, prema sar sikade len lenge dada. 15Goleke, gia phenda o Del kai si le sa e zor, o Del katar o Israel:
Gale foro ka dav le te jal iek baro cherkipe, ta ka dav len te pien pai chrko.#Jer 23.15. 16Ta ka rispiu len maskar e forura kai ni von ni lenge dada ni pinllarena, ta ka bichalav pala lende o jarni lligo ni ka aven zatrime.
Roven ando Jerusalem
17Gua phenel o Del kai si le sa e zor:
Thoven sama, anen e diskinien gole diskinien
kai pochindol lenge te roven,
18ta sigaren, roven pala amende,
te bilaon amare akha ande ausa
ta te thavden e paia lendar.
19Soke katar o Sion asundilo o roipe:
¡Gia zatrisarde amen!
Gia baro lallao nakhlam,
soke muklam e phuv,
soke zatrisarde amare chera.
20Asunen, diskinie, o alav e Devleko,
ta te resel kai tumare o alav katar leko mui:
Sikaven gava roipe tumare chorren,
ta iek averia gava kukipe.
21Soke o meripe likisto pe amare penllerave,
dia ande amare chera, te zatril e minonen
pe droma, e chaurren katar e plase.
22Phen:
Gia phenda o Del:
E esnage katar e murusa mule
ka peren sargo mel upral pe umalia,
ta sargo o lliu kai inai ko te chidel
kana nakhel gua kai chinel le.
23Gia phenda o Del:
Te na falilpe o bizai
ande po bizaipe, ta ni ande po tromanipe
o tromano, ni o barvalo te na falilpe
ande po barvalipe.
24A te falilpe ande gaia ezgoda,
ko mangela te falilpe:
Te acharel ta te pinllarel man,
kai ne sem O Del, kai cherav volimaia
e kris ta o chachipe pe phuv,
ta gala ezgode mangav, gia phenel le o Del.#1 Kor 1.31; 2 Kor 10.17; Stg 1.9.
25O Del phenel:
Aven llivesa kai ka avel dukhado mandar suako lleno kai cherda e sirkunsision ta gua kai ni cherda la: 26o Ejipto ta o Juda, o Edom ta e chave katar o Amon ta katar o Moab, ta sa gola kai si pe thana mai gurudine, gola kai zivin po pusto, soke sa e phuvia ni cherde e sirkunsision, ta sa o foro katar o Israel ni cherda e sirkunsision ande po lio.#Ech 7.51; Ro 2.25-29.
Currently Selected:
Jeremias 9: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
