Jeremias 10
10
Aver dela ta o blagosipe karing o Del o chachuno
1Asunen so phenda o Del tumendar, foro katar o Israel. 2Gia phenda o Del:
Na sikon so cheren e phuvia, ta na daran
katar e ezgode kai dikhon ando miloso
i te darana lendar e phuvia.
3Soke e ezgode kai si sikade e phuvia
ni mol len niso,
soke chinde iek kas katar o vos
ta cherde len e churiaia.
4Rup ta sunakai thoven pe lende,
e chokanoia maren e kafra pe lende
te chapenin len te na miskonpe.#Sal 115.4-8; 135.15-18; Is 40.19-20; 44.9-20.
5Orta dikhon sargo iek kas ta ni den orba,
inllaren len soke nasti phiren.#Is 41.23-24,29; 46.1-7.
Na dara lendar soke nasti cheren o bilachipe,
ta inai len e zor ni te cheren o lachipe.
6Inai ni iek sargo tu Devla, tu san baro,
ta cho anav si baro ta gazdaril.
7¿Ko ni ka daral tutar, Charo e phuviengo?
soke tutar si te dara, soke maskar sa e bizai
katar e phuvia ta ande sa lenge charoine,
inai niko sargo tu.#Apo 15.4.
8Saurre ka cherdon besne ta ka diliaon
soke ni mol niso so sikavel iek kotor kas.
9Katar o Tarsis ka anen kotora rup
ta sunakai katar o Ufaz, e manusa cherde len,
pe vastenchar cherde len e llene kai bilaven,
ka thoven pe lende patave vunete ta lole,
sa si cherdo katar e llene kai llanen.
10A o Del si o Del chachuno,
vou si o Del llundo ta Charo ostade,
e phuv izdral kana vou joliaol,
ta e phuvia nasti terpin leki joli.
11Ka phenen lenge gia:
E dela kai ni cherde ni o miloso ni e phuv, te na aven ios pe phuv telal katar o miloso.
Llili kai blagosil e Devle
Jer 51.15-19
12Gua kai cherda e phuv pe zoriaia,
gua kai thoda e phuv pe po than pe llanglimaia,
ta buliarda o miloso pe bizaimaia,
13kana del orba asundon e bare paia
ando miloso, ta duratar katar e phuv
vazdiniaon e oblakura, cherel e esterliche
te anen o bursin ta ikanel e baliava
kai si gurudine.#Sal 135.7.
14Sa e manusa si besne, ta inai len bizaipe,
o lleno kai bilavel o rup lallal pala po del
soke kojamno si so cherda katar so bilada,
15von si ezgode kai ni mol len niso,
iek ezgoda dili, kana ka avel lenge o vreme
katar e duk ka aven zatrime.
16A o Del katar o Jakob inai gia,
soke vou si o Del kai cherda sa,
ta o Israel si gua kai ka achel leke e phuv,
o Del kai si le sa e zor gua si leko anav.
O profeta ta o foro denpe orba
17Chide katar e phuvia che ezgode,
tu kai zivi po than maskar e zidura.
18Soke o Del kai si le sa e zor phenda gia:
Akana ka chudav dur sargo iek barr
e llenen kai zivin pe phuv,
ta ka thovav len ande nuzda, te dukhal len.
19¡Tesko mange pala mi duk!
mi ran si but dukhadi, A me phendem:
Chachimaia gava si mo nasualipe,
ta trubul te dukhavel man.
20Mi chara si zatrime,
me chilodoria si sa chinde
me chaurre mukle man ta mule,
inai man ko te inzarel mi chara,
ta inai ko te phandel e chitura.
21Soke e chobanura ni sea bizai
ta ni rodie e Devle, goleke ni llela lenge sukar,
ta sa lengi stoka rispisaili.#Jer 23.1-4; Ez 34.1-10.
22Avel iek buna, ta bari burkania
avel katar phuv katar o norte,
kai ka mukel sargo o pusto sa e
forura katar o Juda,
sargo o than katar e llukela dive.
23¡Ioi Devla! llanav kai o manus
inai gazda pe po drom,
ta kai o manus ni ortol pe estope.#Pr 20.24.
24¡Ioi Devla! Dukhav man che krisaia,#Sal 6.1; 38.1.
na che jolinaia, ta na zatri man.
25Chude chi joli pe llene kai ni pinllaren tut,#Sal 79.6-7.
ta pe phuvia kai ni molinpe chuke,
soke jale e Jakobo, nakhade le,
bilade le ta zatrisarde leko than.
Currently Selected:
Jeremias 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
