Jeremias 8
8
1O Del phenel kai ande gola llivesa ka ikanen e kokala katar e charura katar o Juda, ta e kokala katar lenge sudura, ta e kokala katar e popura, ta e kokala katar e poraukura, ta e kokala katar e llene kai zivina ando Jerusalem ta ka ikanen len avri katar lenge limoria, 2ta ka rispin len te del len kham ta o chon ta e cheraia, soke volisarde len ta radisarde lenge, soke llele pala lende ta puchle len, ta soke die changenchar angla lende. Ni ka aven chidine ni prajome, ka aven sargo e mel upral pe phuv.#Jer 25.33. 3Ta e llene kai ka achen katar gaia vicha bilachi, pe suako rig kai ka aven rispime, ka mangen te meren neko te zivin, gia phenda le o Del kai si le sa e zor.
O Israel so dukhado soke ni kandel
4Ta i ka phene lenge:
Gia phenda o Del:
Gua kai perel ustel,
ta gua kai jasaol katar o drom boldel pe lete.
5¿A soke gava foro sa po zivoto ni kandel?
¿Soke o Jerusalem ni mukel o kojaipe
ta ni irilpe mande?
6Thodem sama ta asundem,
ta ni den orba chachimaia,
inai ko te irilpe katar po bilachipe ta te phenel:
¡So cherdem! Suako lleno llelo pe po drom
sargo gra kai llan lea zurale te marenpe.
7Llik e garvanura ando miloso llanen po vreme,
o gulubo ta e grulla ta e chirikliorri
aduricharen te irinpe,
a mo foro ni pinllarel o chachipe e Devleko.#Is 1.3.
8¿Soke phenen:
Amen sam bizai,
ta e Devleki kris si amenchar?
Chachimaia cherde la te kojavel
ta pharude la tumare llene kai pisin.
9E llene bizai lallaile, daraile
ta ni llanena so ka cheren,
ta murzisarde po alav e Devleko,
¿Savo bizaipe si len?
10Goleke ka dav averen lenge diskinien,
ta lenge umalia golenge kai ka dobin len,
soke katar o mai minono llik kai o mai baro
suako iek rodel so ka dobil bilachimaia,
katar o profeta llik kai o popo
saurre cheren e ezgode kojaimaia.
11Ta sastarde e duk katar e chorri me foroki
lokhimaia ta phenena:
Pas, pas, a inai pas.#Jer 6.14; Ez 13.10.
12¿Lallaile kai cherde o gadope?
Chachimaia ni lallaile katar niso,
ta ni llangle te avel lenge lallao,
goleke kana ka dukhavav len
ka peren maskar gola kai ka peren,
gia phenel le o Del.#Jer 6.12-15.
13Del phenel:
Ka ikanav len chitave,
ni ka achen drakha po krango e drakhenge,
ni simochine po kas simochinengo,
ta ka peren e patra,
ta so diem len ka nakhel lendar.#Lk 13.7.
14¿Soke acha esmiro?
Chidiniaon ta den ande forura zidome
ta mera kote, soke o Del amaro Gazda
chinada amenge te mera,
ta dia amen te la o pai kai mundarel,
soke cherdam o bilachipe e Devleke.
15Aduricharaia e pas, ta ni avilo o lachipe,
aduricharaia o sastipe, a avili e dar.
16Katar o Dan asundilo sar basle lenge e gra,
kana basle lenge gra, sa e phuv dermosaili,
avile ta jale e phuv ta sa lako lachipe,
e foro ta e llenen kai zivina andre.
17Soke me bichalav pe tumende sapa,
sapa kai niko nasti achavel len,
ta ka dandaren tumen, gia phenel le o Del.
Duk katar o Jeremias pala po foro
18Pala e bari duk, mo lio merel ni del ios.
19E chorri me foroki avel but duratar,
katar aver phuv ta urkil gia:
¿Inai o Del ando Sion? ¿Inai kote lako Charo?
¿Soke joliarden man e delenchar kai cherden,
e ezgodenchar kai ni mol len niso
kai anden katar aver phuvia?
20Chidinaile e septelie, nakhlo o milai
ta amen ni avilam braduime.
21Dukhado sem pala e duk katar e chorri
me foroki, izdrav, lia man iek bari dar.
22¿Inai iek drab ando Galaad?
¿Ni achen doktoria? ¿Soke ni saia iek drab
e chorrake katar mo foro?
Currently Selected:
Jeremias 8: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
