Jeremias 47
47
Poroka katar e filisteura
1O Del dia orba e profetaia e Jeremiasea ta phenda leke katar e filisteura, mai anglal te zatril o Faraon o foro Gaza.
2Gia phenda o Del:
Katar o norte bariol o pai ta ka llal zurale.
Ka chingaren sa e phuv,
e foro ta e llenen kai zivin andre,
ta sa e llene kai si pe phuv
ka roven ta ka kukin.
3Pala e porrne e grastenge kai basena,
pala e burkania katar lenge bordona,
pala lenge tochkura kai basena,
e dada jasarde e vlaga
ta nasti arakhle pe chaurren.
4Pala o llive kai avel te zatril
sa e filisteonen, te zatril o Tiro ta o Sidon
sa gola kai allive pomozin len.
O Del ka zatril e filisteonen,
golen katar o Kaftor kai si pasa e mora.
5Jaliarde e Gaza, mulo o Askalon
ta so achela katar e umalia.
¿Gachin ios ka rani tu tut?#Jos 11.22; Nm 13.33; Dt 2.10-11.
6¡Ioi jarni e Devleki! ¿Soke ni ache?
thov tut gurudino ta achi esmiro.
7¿Sar ka che esmiro a o Del bichalda tut
te mare tut e Askalonea,
ta e llenenchar kai si pasa e mora?#Is 14.28-32; Ez 25.15-17; Jl 3.4-8; Am 1.6-8; Sof 2.4-7; Zak 9.5-7.
Currently Selected:
Jeremias 47: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
