Jeremias 46
46
O Ejipto jasarel ando Karkemis
1O Del dia orba e Jeremiasea, cheres sa e phuvia. 2Dia orba katar o Ejipto:
Katar e boñikura katar Faraon o Nekao charo katar o Ejipto, kai saia pasa e len e Eufrates ando Karkemis ta kai zatrisarda le o Nabukodonosor charo katar e Babilonia, ando burs starto kana charoila o Joakim charo katar o Juda.
3Lacharen tumenge o eskudo
ta soia te arakhen tumen
ta llan te marentumen.
4Phanden tumare e kavisa tumare grastenge
tumen kai llan pe lende,
thoven e challa sastrune,
chiston e lanse ta thoven pe tumende
e patave zurale.
5¿Soke dikhlem len darane
ta dena palpale?
Lenge llene tromane daraile ta nasle
ta ni dikhle pala pete.
E dar saia pe suako rig, gia phenel o Del.#Sal 31.13; Jer 6.25; 20.3-10; 49.29; Lm 2.22.
6Te na nasel o lleno lokho
ta te na llaltar o tromano.
Ando norte pasa o pai katar o Eufrates
eskombaie ta peletar.
7¿Ko si gua kai likel sargo iek len
ta leke paia miskonpe sargo lena?
8O Ejipto si kai buliol sargo e len
ta leke paia miskonpe sargo lena, ta phenda:
Ka likav, ka pherav e phuv,
ka zatriv e foro ta golen kai zivin andre.
9Te llan e gra ta te divonpe e bordona,
te liken e tromane, e etiope
ta e llene katar e Put te inllaren o eskudo,
ta e llene katar o Lud te lacharen pe arkura
ta te inllaren len.
10A gua llive ka avel e Devleke kai si le sa e zor,
iek llive kai ka pochinel pe dusmanonenge.
Ta o jarni ka jal ta ka chaliol,
ta ka matol lenge ratea,
soke e Devleke kai si le sa e zor
ka avel iek kurbano ande phuv katar o norte
pasa o pai katar e len Eufrates.
11Lla ando Galaad ta le meriso
chei chorrie katar o Ejipto.
Ka pie but draba, a tu nasti sasto.
12E phuvia asun de kai san ando lallao,
pe sa e phuv asundilo cho roipe,
soke dui tromane maladile
ta e li dui peletar pe phuv.
O Nabukodonosor del ando Ejipto te marelpe
13O Del dia orba e profetaia e Jeremiaseke, katar o Nabukodonosor charo katar e Babilonia ta sar ka avel te zatril e phuv katar o Ejipto:#Jer 43.10-13.
14Phenen ando Ejipto
ta cheren te llanenle ando Migdol.
Cheren te llanenle i ando Menfis
ta ando Tafnes ta phenen gia:
Thou tut pe porrne ta lachar tut,
soke o jarni ka zatril che foro.
15¿Soke zatrisarde che zidura?
Nasti achile pe porrne,
soke o Del espidia len.
16But si e boñikura kai peren iek pe aver,
ta phende:
Uste ta iri amen kai amaro foro
ta ando foro kai biandilam,
nasa katar o jarni kai dobil amen.
17Kote urkisarde:
O Faraon o charo katar o Ejipto si zatrime.
Mukla te nakhel o vreme.
18Me ziviu phenel o Charo,
vou ikhardol Del kai si le sa e zor,
kai sargo o burdo o Tabor maskar e burdura
ta sargo o burdo o Karmelo pasa e mora,
isto gia ka avel vou.
19Lacharen tumare ezgode te lla phangle,
tumen kai zivin ando Ejipto,
soke o Menfis ka avel zatrime
lligo ni ka achel niko andre.
20O Ejipto si sargo iek sukar guruvorri,
a e zatrania avel katar o norte.
21Ta lenge tromane kai sea maskar lende
i von irisaile sargo guruvorra thule,
saurre nasle ta ni mardepe
soke avilo pe lende o llive katar lengi zatrania,
o llive te aven dukhade.
22Ka basen sargo sapa,
soke ka aven lenge dusmanura
e toverenchar, sargo e llene
kai aven te chinen e kasta.
23Ka chinen lenge kasta, gia phenel o Del,
makar nasti te delpe andre ando vos,
soke von ka aven mai but,
ka aven sargo e langoste kai nasti llindon.
24O Ejipto ka achel ando lallao,
ka avel dino kai o foro katar o norte.
25O Del kai si le sa e zor, o Del katar o Israel phenda:
Me dukhavav e Amone del katar o Tebas, e Faraono, e Ejipto, leke delen ta sa golen kai uzdinpe ande lende. 26Ta ka adu len ande va katar gola kai roden te mundaren len, ande va katar o Nabukodonosor charo katar e Babilonia ta ande va katar leke sluge. Ta mapalal ka zivin kote sargo omanglal, gia phenenle o Del.#Is 19.1-25; Ez 19.1—32.32.
O Del ka braduil pe foro
Jer 30.10-11
27A tu na dara, tu san mo sluga o Jakob,
na jasar e vlaga Israel,
soke me ka braduiv tut duratar,
ta i che porodo katar e phuv kai phangla len.
Ta ka irilpe o Jakob
ta ka lelpe letar o chiñipe
ta ka llal leke sukar
ta niko ni ka daravel le.
28Jakob, sluga murno, na dara,
gia phenel o Del, soke me sem tuia.
Soke ka zatriv sa e phuvien
kai rispisardem tut maskar lende.
A tut ni ka zatriv tut sa,
ka zatriv tut ando chachipe.
A ni ka mukav tut bi te le chi duk.
Currently Selected:
Jeremias 46: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
