Jeremias 30
30
O Del phenel so ka cherel e foroke mai angle
1O Del dia orba e Jeremiase ta phenda: 2Gia dia orba o Del katar o Israel, ta phenda:
Pisisar sa e alava kai phendem chuke. 3Soke aven llivesa, phenel o Del, kai ka anav e llenen kai si phangle katar mo foro o Israel ta katar o Juda, o Del phenel le, ta ka anav len kai e phuv kai diem lenge paponen, ta ka veselinpe.
4Gala si e alava kai o Del dia orba katar o Israel ta katar o Juda. 5Soke gia phenda o Del:
Soke asundam avazura kai daran
ta kai izdran, ta ni asundam e pas.
6Puchen akana, ta dikhen dal o murus bianel,
soke dikhlem kai sa e murusa sea
lenge va pe lenge kukura,
sargo iek diskinia kai ka maladol lake,
ta sa e llene parrnile po mui.
7¡Tesko ka avel ande gua baro llive!
ni ka avel aver llive sargo gua,
vreme nuzdako katar o Juda,
a ka avel bradui ma katar e nuzda.
8Ande gua llive, phenel o Del kai si le sa e zor,
me ka phagav o pharipe katar lengi korr,
ta ka phagav so phende tumen
ta nikada ni iek lleno katar aver phuvia
ni ka cheren tumen sluge te radin lenge,
9soke ka radin e Gazdake tumaro Del
ta e Davideke tumaro charo.
O Del braduil pe foro
Jer 46.27-28
10Goleke tu mo sluga o Jakob na dara,
phenel Del, ta te na lel tut e dar, Israel,
soke me sem gua kai braduisarda tut
duratar ta che porodo
katar e phuv kai sana phanglo,
ta o Jakob ka irilpe, ta ni ka avel ko te daravel le.#Is 49.25.
11Soke me sem tuia te braduiv tut, phenel
o Del, ta ka zatriv sa e phuvien
kai rispisardem tut maskar lende,
a tut ni ka zatriv, soke ka dukhavav tut
ando chachipe, ta ni ka mukav tut bidukhaia.
12Soke gia phenda o Del:
Nasti sasto katar cho phagipe,
ta dukhadi si chi ran.
13Inai ko te krisil chuke te sastarel tut,
inai chuke ni iek drab lacho.
14Sa gola kai volina tut bristarde tut,
ni roden tut, soke gia sar dukhavel iek dusmano,
isto gia dukhadem tut,
chaladem tut e bare nuzdaia, pala o baro
bilachipe kai cherdan ta pala chi bari dos.
15¿Soke urki pala cho phagipe?
nasti sasto, soke pala cho baro bilachipe
ta pala chi bari dos cherdem chuke gaia ezgoda.#Is 1.5-6.
16A ka aven zatrime sa gola kai zatrisarde tut,
ta sa che dusmanura, sa ka llan phangle,
ustade ka aven gola kai ustade tut,
ta sa gola kai chorde tut, von ka aven chordine.
17A me ka cherav te avel chuke o sastipe,
ta ka sastarav che rrane, gia phenel o Del,
soke ikharde tut chudino ta phenena:
Gava si o Sin, kai niko ni delpe golli letar.#Os 14.4.
18Gia phenda o Del:
Me cherav te irinpe
e phangle katar e chare e Jakoboke,
ta ka avel mange zao katar leke chare,
ta o foro ka avel vazdino pe leko burdo,
ta o Cher e Devleko ka vazden le pale.
19Ta von ka den fala ta ka asundon avazura
katar iek foro veselo,
ka cherav te bariol lengo foro
ta ni ka aven cherricha,
ka cherav te bariol lengo foro
ta ni ka maren lendar espurnia.
20Ta ka aven leke chaurre sargo omanglal,
ta e llene ka chidiniaon angla mande pe porrne.
Ta ka dukhavav sa lenge dusmanonen.
21Lendar ka likel lengo gazda,
ta maskaral lendar ka likel gua kai ka gazdaril len,
ta ka cherav le te avel pase,
ta vou ka avel pasa mande,
soke ¿Ko si gua kai tromal
te avel pasa mande? phenel o Del.
22Ta ka aven mo foro ta me ka avav tumaro Del.
23O baro bursin likel jolinaia katar Del,
o bursin kai bariol po soro golengo kai ni pachan.
24Ni ka achel e joli e Devleki kai phabol,
lligo ni ka cherel ta ka getol so thodape te cherel,
po son katar e llivesa ka acharen gaia ezgoda.#Jer 23.19-20.
Currently Selected:
Jeremias 30: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
