Jeremias 3
3
O Israel ni kandia e Devle
1Phenen kai vareko te mukela pe rromia,#Dt 24.1-4.
ta voi llaltar avere murusea, ¿Nasti lel le pale?
Soke avela iek baro lallao gole phuviake.
A tu kai cherdan o kurvaluko bute amalenchar,
¡irisao mande! Gia phenel le o Del.
2Dik upre pe burdura, ta phen
kai ni cherdan o kurvaluko.
Pasa e droma besea lenge sargo arabe po pusto,
ta pala cho kurvaluko ta cho bilachipe
meliardan gale phuvia.#Dt 12.2-3.
3Goleke e paia avile achadine,
ta ni avilo o bursin pasa o milai.
San sargo iek kurvichka,
¡Ni llane so si o lallao!
4A katar angle, ¿ni ka phene mange,
murno Del, kai sikadan man ande mo ternipe?
5¿Ka ave joliariko ostade?
¿Chi joli ka aven sa o vreme?
A tu dian orbe ta cherdan o bilachipe kai manglan.
O Del phenel e Israeleke ta e Judaeke te irinpe katar po bilachipe
6O Del phenda mange ande llivesa katar o charo o Josias:
¿Dikhlan so cherda e phuv katar o Israel kai ni kandel? Voi llal pe bare burdura ta telal katar e bare kasta, ta kote cherel o kurvaluko.#2 R 22.1—23.30; 2 Kr 34.1—35.27. 7Me misliva kai pala sa gala ezgode kai cherda, ka irilpe mande, a ni irisaili, ta dikhla la laki phei e Juda goia kai ni kandel. 8Ta dikhla kai me tradiem e phuvia katar o Israel pala o kurvaluko kai cherda ta kai diem la iek lil te llaltar, a ni daraili voi e Juda laki phei kai ni kandel, ta i voi lleli ta cherda o kurvaluko. 9Ta sar ni thoda sama pe po kurvaluko, e phuv melaili, ta cherda o kurvaluko e barrea ta e kastea. 10Ta pala sa gala ezgode, laki phei e Juda kai ni kandel ni irisaili mande chachimaia, irisaili kojaimaia, gia phenel le o Del.
11Ta phenda mange o Del:
E phuv katar o Israel kai ni kandel si mai chachi neko e Juda e kojamni. 12Lla ta phen gala alava karing o norte, ta phen:
O Del phenel gia:
Irisao, ioi Israel kai ni kande,
ni ka cherav te perel pe tute mi joli,
mi joli ni ka avel ostade
soke mange si zao.
Gia phenel le o Del
13Phen chi dos, soke cherdan o bilachipe
e Devleke cho Gazda ta cherdan o kurvaluko
llenenchar katar aver phuvia
telal katar e bare kasta,
ta ni asundan mo avazi,
gia phenel le o Del.
14Irin tumen mande chaurralen kai ni kanden, gia phenel le o Del, soke me sem tumaro rrom ta ka lav tumen suakone katar suako foro, ta duien katar suako familia, ta ka anav tumen kai o Sion, 15ta ka dav tumen chobanura sar me mangav, te inllaren tumen bizaimaia. 16Ta kana ka cherdo mai but llene ta kana ka barion pe phuv, ande gola llivesa, gia phenel le o Del, ni ka phenen ios:
Arka katar o alav e Devleko, ni ka avel ande lengo mislo ta ni ka denpe golli latar, ta li ka zelin la ta ni ka cherdol aver.#Ek 25.10-22. 17Ande gola llivesa ka thoven o anav katar o Jerusalem:
Trono e Devleko, ta sa e phuvia ka aven lete ando anav e Devleko ando Jerusalem, ta ni ka llan pala po zuralo lio.
18Ande gola llivesa ka llan katar o Juda kai o Israel, ta ka aven katar e phuv katar o norte kai e phuv kai cherdem te len tumare papura.#Jen 13.14-15.
O Israel pachal ande aver dela
19Me puchava:
¿Sar ka thovav tumen sargo chaurre
ta sar ka dav tumen e phuv kai zelilpe,
e barvali phuv katar e forura? Ta phendem:
Ka ikharen man:
Murno Dad,
ta ni ka durion mandar.
20A gia sar e mukel e diskinia pe rrome,
gia cherden mange o bilachipe,
ioi Israel, gia phenel le o Del.
21Iek avazi asundilo chak upral,
rovena ta molinape e chave katar o Israel,
soke bangarde po drom, ta bristraile
katar o Gazda lengo Del.
22Irin tumen, chaurralen kai ni kanden,
ta ka sastarav tumaro bilachipe.
E Israelitura den anglal
kate sam, ava tute,
soke tu san o Gazda amaro Del.
23Chachimaia e burdura ni mol len niso,
ta ni e burkania kai si pe burdura,
chachimaia ando Gazda amaro Del
si o braduipe katar o Israel.#Jer 2.20.
24O lallao jala o rado katar amare dada
sar kana sama terne, lenge bakre,
lenge guruva, lenge chaurre ta lenge chorra.
25Pelam amenge ande amaro lallao
ta uchardam amen amare lallaimaia,
soke cherdam o bilachipe e Gazdake amaro Del,
amen ta amare dada, sar kana sama terne,
ta llik allive ta ni asundam o avazi
katar o Gazda amaro Del.
Currently Selected:
Jeremias 3: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
