Jeremias 2
2
O Israel ni kandel
1O Del phenda mange gia:
2Lla urkisar ande kan katar o Israel ta phen:
Gia phenel o Del:
Diem man golli tutar,
kana sana terno ta kandea,
kana saia tut volipe pala cho biav,
kana llaia pala mande po pusto,
pe umal kai ni bariola niso.#Ek 13.17-18; Nm 14.33-34; 32.13; Os 2.15-16.
3O Israel saia chinado e Devleke,
saia sargo o purvo katar e neve septelie.
Sa gola kai jana le sea dosale,
o bilachipe perela pe lende, gia phenel le o Del.
4Asunen o alav e Devleko, vicha katar o Jakob ta sa e familie katar o Israel 5Gia phenda o Del:
¿Savo bilachipe malade ande mande tumare dada,
kai durile mandar?
Lleletar pala so ni mol le niso
ta cherdile llene kai ni mol len niso
6Ta ni phende:
¿Kaitalo o Del,
kai cherda amen te lika katar o Ejipto,
kai inllarda amen katar o pusto
katar iek phuv pusti kai ni zivila niko,
katar iek phuv suki ta e senka merimaki,
iek phuv kai ni nakhlo latar manus
ta ni zivisarda ni iek lleno?
7Ta thodem tumen ande iek phuv llundi,
te jan katar lake septelie ta lako lachipe,
a tumen dien ta meliarden mi phuv,
ta gadosarden so saia murno.#Dt 8.2-16.
8E popura ni phende:
¿Kaitalo o Del?
te e llene kai saia lende o zakono
ni pinllarde man, e chobanura
ni kandie man ta e poraukura
poraukisarde ando anav katar o Baal,
ta llele pala so ni trubula len.
E orba po Israel
9Goleke ka chinav kris pe tumende,
gia phenda o Del,
ta tumare chaurre ta tumare unukura
ka aven thode mandar pe kris.
10Nakhen pe mora katar o Kitim ta dikhen,
bichalen llenen te prezon ando Sedar,
ta te dikhen sukar dal nakhla kote
iek ezgoda sargo gaia.
11Ni iek phuv ni pharruda pe delen,
a gola inai dela chachune,
a mo foro pharruda po blagosipe
pe so ni mol le niso.#Sal 106.20; Ro 1.23.
12Dara miloso pala gaia ezgoda,
nakhen bari dar,
izdran daratar, phenda o Del.
13Soke dui ezgode bilache cherda mo foro:
mukle man, kai sem o pai o llundo,
ta anade von peke bunaria,
bunaria kai ni achel o pai andre.#Jn 4.10-14; 7.37-38.
So ka lel o Israel kai ni kandia
14¿Si sluga o Israel? ¿Biandilo sluga?
¿Soke cherdilo chari kai dobilpe po maripe?
15E lionura terne basen pe lete,
vazdie po avazi ta zatrisarde leki phuv,
phabarde achile lake forura, achile puste.
16Llik e llene katar o Menfis
ta katar o Tafnes pharrade cho soro.
17¿Ni avile chuke sa gala ezgode
soke muklan e Devle cho Gazda,
kana inllarela tut katar o drom?
18Goleke, ¿So si tut po drom katar o Ejipto,
te pie o pai katar o Nilo?
¿Ta so si tut po drom katar e Asiria,
te pie pai katar o Eufrates?#Is 30.13.
19Cho bilachipe ka dukhavel tut,
ta soke ni kandian ka ave dosalo,
zumav ta dik gia gado ta savo cherkipe si
kai muklan e Gazda cho Del,
ta kai ni dara mandar,
gia phenel le o Del kai si le sa e zor.
O Israel ni kandel
20Soke cherel but vreme kai tu
chindan e sole kai cherena te ava pase
ta phendan:
Ni ka radiu.
Ta pe suako burdo ta telal katar suako kas baro
tu inzoia sargo iek kurvichka.
21Thoden pe tute te barion e mai lache drakha
e mai esvirime simiche thodem,
¿Sar sukile gia che patra
ta cherdile sargo aver drakha?#Is 5.1-7; Lk 13.6-9.
22Mai te jalave tut ta te more tut e sapuiea,
e mel katar cho bilachipe ka achel pe tute
angla mande, gia phenda le o Del o Gazda.
23¿Sar sai phene:
Ni san melalo,
nikada ni llelem pala e dela baal?
¡Dik so cherdan pe umal! Phen so cherdan,
san sargo iek deva lokhi kai bangarel po drom
24sargo iek magarcha e burdoki
kai khandela e balav te rodel e magarcho.
¿Ko ka achavel la katar lako divope?
kogo mangela te rodel la ni ka chiniol,
soke rodel pe magarcho ta ka malaven la.#Os 2.5; 4.12-14.
25Arak che porrne ta na phire porrnango,
ta cho gurtano katar e trus. A tu phendan:
Inai sar te lachardol gaia ezgoda,
soke volisardem murusen katar aver phuvia
ta ka llav pala lende.
O Israel trubul te avel dukhado
26Gia sar o chorano achel ando lallao
kana dikhen so cherela, isto gia
ka achen ando lallao e llene katar o Israel,
lenge charura, lenge sudura, lenge popura
ta lenge poraukura,
27kai phenen iekhe kasteke:
Tu san mo dad, ta iekhe barreke:
Tu cherdan man. Soke die man e zea
ta ni die o mui, a kana si ande nuzda phenen:
Uste, braduisar amen.
28¿Kaitalen che dela kai cherdan chuke?
Te usten von, ta dikha dal ka braduin tut von
ande chi nuzda, soke gia sar sea but che forura,
ioi Juda, isto gia sea che dela.#Dt 32.37-38.
29¿Soke ja tut manchar?
saurre cherden mange o bilachipe,
gia phenen o Del.
30Samo gia dukhadem tumare chaurren,
ni sikile. Tumaro jarni jala e profetanen
sargo liono kai zatril.#1 R 19.10; Mt 23.37.
31¡Ioi vicha! Thoven sama tumen
po alav e Devleko. ¿Sema me sargo o pusto
e Israeleke, o sargo iek phuv ando truniariko?
¿Soke mo foro phenda:
Mukliarde sam,
nikada ios ni ka ava tute?
32¿Bristarelpe e chei katar po furiadipe
o e bori bristraili katar po fistano e biaveko?
A mo foro bristrailo mandar but droma.
33¿Soke lachare cho drom te malave o volipe?
I e kurvechken sikadan so chere.
34Pe che patave saia o rat katar e chorre,
gola kai inai dosale.
Ni maladan len ande ni iek bilachipe,
a pe sa gala ezgode tu phene:
35Me ni sem dosalo,
ta o Del inai joliariko pe mande.
Goleke ka krisiu tut, soke phendan:
me ni cherdem o bilachipe.
36¿Soke pharruve gachin che mislura?
A o Ejipto ka mukel tut ando lallao,
gia sar mukla tut ando lallao e Asiria.
37I kotar ka like e vastenchar pe cho soro,
soke o Del mukla pe iek rig
golen kai uzdia tut ande lende
ta ni ka llal chuke sukar pala lende.
Currently Selected:
Jeremias 2: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
