Jeremias 28
28
O Jeremias ta o profeta o Jananias
1Isto ande gua burs, kana iakom charoila o Sedekias charo katar o Juda, ando burs starto, ta ando chon panchto, kana o Jananias chavo katar o Azur, kai saia profeta katar o Gabaon, dia manchar orba ando cher e Devleko angla e popura ta angla sa o foro ta phenda:
#
2 R 24.18-20; 2 Kr 36.11-13.
2Gia phenda o Del kai si le sa e zor, o Del katar o Israel:
Phaglem o pharipe katar o charo katar e Babilonia. 3Trin burs mai angle ka cherav te anen pale pe gava than sa e ezgode katar o cher e Devleko, kai o Nabukodonosor charo katar e Babilonia lia katar gava than ta inllarda ande Babilonia, 4ta me ka cherav te irilpe pe gava than o Jekonias chavo katar o Joakim, charo katar o Juda ta sa e llenen kai inllarde katar o Juda ta die ande Babilonia, soke me ka phagav o pharipe katar o charo katar e Babilonia, gia phenel le o Del.
5Ondaka o profeta o Jeremias dia orba e profetake o Jananias, angla e popura ta angla sa o foro kai saia ando cher e Devleko.
6Ta phenda o profeta o Jeremias:
Gia te avelpe, gia te cherel le o Del. Te cherel o Del e alava kai phendan kana porokisardan kai si te anen pale pe gava than e ezgode katar o cher e Devleko ta sa e llenen kai avile inllarde. 7A asun gava alav kai ka phenav chuke ta sa e foroke: 8E poraukura kai sea mai anglal mandar ta tutar ando vreme o purano, porokisarde katar o maripe, katar e duk ta e muke pe but phuvia ta pe bare charoine. 9Kana iek profeta porokil katar e pas, ta leko avav cherdol, ka avel pinllardo ka pachan kai chachimaia bichalda le o Del.#Dt 18.21-22.
10Ondaka o profeta o Jananias ikanda o pharipe katar e korr katar o profeta o Jeremias, ta phagla le. 11Ta o Jananias dia orba angla sa o foro, ta phenda:
Gia phenda o Del:
Isto gia ka phagav o pharipe kai thoda o Nabukodonosor charo katar e Babilonia pe korr katar sa e phuvia, ande dui burs ios. Ta o Jeremias llelo pe dromea.
12Ta kana o profeta o Jananias phagla o pharipe katar e korr katar o profeta o Jeremias, o avilo o alav e Devleko kai o Jeremias ta phenda: 13Lla kai o Jananias ta phen leke gia:
Gia phenda o Del:
Phaglan o pharipe kastuno kai llal pe korr, a akana ka chere len sastrune. 14Soke gia phenda o Del kai si le sa e zor, o Del katar o Israel:
Pharipe sastruno thodem pe korr katar sa gala phuvia, te sai aven sluge katar o charo o Nabukodonosor charo katar e Babilonia, ta ka radin leke, ta i dia le e zivirinie dive.
15Ondaka o profeta o Jeremias phenda e profetake o Jananias:
Akana asun, Jananias:
O Del ni bichalda tut, a tu cherdan gale foro te uzdinpe ando kojaipe.
16Goleke o Del phenda gia:
Me ka ikanav tut katar e phuv, ka mere ande gava burs, soke dian orba kojamni po Del.
17Ta isto ande gua burs mulo o profeta o Jananias ando chon eftato.#Dt 13.6-10.
Currently Selected:
Jeremias 28: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
