Jeremias 1
1
Gia llal angle o lil
1E alava katar o Jeremias chavo katar o Jilkias, katar e popura kai sea ando Anatot, ande phuv katar o Benjamin,#1 R 2.26-27. 2Alav e Devleko kai avilo ande llivesa katar o Josias chavo katar o Amon, charo katar o Juda, ando burs desutrito katar leko gazdaripe.#2 R 22.3—23.27; 2 Kr 34.8—35.19. 3Ta avilo lete o alav e Devleko ande llivesa katar o Joakim chavo katar o Josias, charo katar o Juda, llik kai o son katar o burs desuiekto katar o Sedekias chavo katar o Josias, charo katar o Juda llik kana inllarde len phangle katar o Jerusalem ando chon panchto.
O Del ikharel e Jeremiase
4O Del dia manchar orba ta phenda:
5Mai anglal te cherav tut ando lli
pinllardem tut, ta mai anglal te biando
blagosisardem tut,
thodem tut te ave profeta e phuviengo.#Is 49.1; Gl 1.15.
6Ta me phendem leke:
¡Ioi, Gazda, Devla!
Me ni llanav te dav orba soke sem minono.
7Ta o Del phenda mange:
Na phen kai san minono,
soke kaigo ka bichalav tut tu ka lla,
ta ka phene sogo ka phenav chuke me.
8Na dara lendar, soke me sem tuia
te braduiv tut, gia phenel le o Del.
9Ta o Del inzarda po va ta dodisarda mo mui ta phenda mange:
10Akana thodem me alava pe che us.
Allive thodem tut upral pe phuvia
ta pe charoine, te zatri ta te muri,
te phage ta te perave,
te vazde ta te thove
e simiche ande phuv.#Jer 18.7-9; 24.6; Jer 31.28; 42.10; Jer 45.4.
11O Del dia manchar orba ta phenda mange:
Jeremias, ¿so dikhe tu?
Ta me phendem:
Dikhav iek ran katar o almendro.
12Ta o Del phenda mange:
Sukar dikhlan,
soke me sigarav te cherdol so phenav.#Is 65.10-11; Ez 12.28.
13O Del dia manchar orba pale o duito ta phenda mange:
¿So dikhe tu?
Ta me phendem:
Dikhav iek kavi kai chirol,
ta lako mui si karing o norte.
14Ondaka o Del phenda mange:
Katar o norte ka mukliardol o bilachipe
pe sa e manusa kai zivin pe gaia phuv.
15Soke me ka ikharav sa e phuvien
katar e charoine kai si ando norte.
Ka aven ta ka inzaren pe chare
angla e udara katar o Jerusalem,
ta ka thovenpe tronura
truial katar sa leke zidura
ta pe sa e forura katar o Juda,
gia phenel le o Del.
16Ta pala sa lengo bilachipe,
ka chinav mi kris pe gola kai mukle man,
ta kai phabarde taimano avere delenge,
ta blagosisarde so cherde pe vastenchar.
17Goleke tu, lachar tut, uste ta de lenge orba
sa so diem tut te phene lenge, na dara lendar,
te na peravav tut me angla lende.
18Soke allive me thodem tut sargo iek
sargo iek foro kai si sa ande zidura,
sargo direko sastruno, ta sargo zido tuchno
angla sa gaia phuv,
ta angla sa e charura katar o Juda,
ta lenge sudura angla lenge popura
ta angla o foro e phuviako.#Jer 15.20.
19Ta ka marenpe tuia, a ni ka dobin tut,
soke me sem tuia te braduil tut, phenel o Del.
Currently Selected:
Jeremias 1: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
