Jeremias 12
12
O profeta del orba e Devlea
1¡Ioi Devla! tu san chacho, ¿sar ka jav man tuia?#Job 21; Sal 73.4-14; Jab 1.
A ka phenav chuke mi orba.
¿Soke llal sukar e bilachenge,
ta si len lachipe gola kai ni kanden tut?
2Thodan len ande phuv, ta barile lenge zile,
barile ta die septelie, von phenen cho anav,
a tu san dur katar lengo lio.
3A tu Devla, pinllare man, dikhlan man,
ta zumadan mi lio tuia,
chirde len sargo bakren kai mundardon,
ta chinav len e lliveseke katar o mundaripe.
4¿Gachin ios ka achel pusti e phuv,
ta suki e char katar sa e umal?
pala o bilachipe katar gola kai zivin kote,
si sea zivirinie ni chiriklia, soke von phende:
O Del ni ka dikhel amaro son.
O Del del anglal
5Te prastian golenchar kai llan peske,
ta te chiniarde tut,
¿Sar ka praste golenchar kai llan pe gra?
A te sana ande esmiro ande phuv katar e pas,
¿sar ka chere maskar e patra katar o Jordan?
6Soke i che phlal ta o cher che dadeko,
i von vazdinaile pe tute,
i von urkisarde pe tute, ta na pacha len
kana ka den tuia orba postenimaia.
E Devleke si zalba pala so nakhel leko foro
7Muklem me foro, mi phuv achili korkorre,
diem so voliva ande va katar lenge dusmanura.
8Mi phuv si mange sargo iak liono ando vos,
baslo pe mande, goleke murzisardem pe lete.
9Mi phuv si sargo iek chirikli
kai si sukar lako makhlipe
ta aver chiriklia furian truial latar te jan la,
aven, chidiniaon, tumen sa zivirinien dive
katar o vos, aven te jan la.
10But chobanura zatrisarde me drakha,
ustade mi phuv, mukle sargo o pusto
mi sukar phuv.
11Mukle la ande zatrania,
ta rovda pe mande zalbaia,
zatrisarde sa e phuv,
soke ni saia ko te mislilpe.
12Pe sa e thana vazdine katar o pusto
thodepe llene kai zatrin,
soke o jarni e Devleko ka zatril
katar iek rig e phuviaki llik kai ogoia rig,
ni iek lleno ni ka avel ande pas.
13Thode te bariol o lliu, ta ikande karrne,
saia len e phuv, a ni dobisarde niso,
ka avel lenge lallao katar lenge septelie,
pala e joli e Devleki kai phabol.
O Del del po alav e kai e forura kai si pasa o Israel
14Gia phenda o Del sa e bilache llenenge kai zivin angla e phuv kai cherdem te avel me foro o Israel:
Me ka ikanav len katar lengi phuv, ta ka ikanav lendar e foro e Judaeko. 15Ta kana ka ikanav len, ka iriu man ta ka avel mange zalba lendar, ta ka cherav te irilpe suako iek ka po foro ta kai pi phuv. 16A te sikile chachimaia o drom me foroko, te jan sovel ande mo anav, ta te phenen:
Ando anav e Devleko, gia sar sikade me foro te jal sovel ando anav katar o Baal, ka llal lenge sukar maskar mo foro. 17A te na asunde, ka chirdav gole foro ta ka ikanav le zilenchar ta ka zatrui le, gia phenel le o Del.
Currently Selected:
Jeremias 12: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
