Jeremias 11
11
Phagen o alav
1O Del dia orba karing o Jeremias ta phenda leke: 2Asun so phenen gala alava, ta de orba suakone murusea katar o Juda ta suakone llenea kai zivil ando Jerusalem. 3Ta ka phene lenge gia:
Gia phenda o Gazda o Del katar o Israel:
Proketo te avel o lleno kai ni ka kandel e alava katar gava alav,#Dt 27.26. 4kai diem tumare paponen kana ikandem len katar o Ejipto, katar e furnava sastruni ta phendem lenge:
Asunen mo avazi, ta cheren me alava, prema sa so phenav tumenge, ta ka aven mo foro, a me ka avav tumaro Del.#Dt 4.20; 1 R 8.51; Jer 7.23. 5Te sai chereu o alav kai diem tumare paponen, kana phendem lenge kai ka dav len e phuv kai si la o thud ta o aullin, sargo ande gava llive. Ta phendem:
¡Ioi Devla! gia te avelpe.#Dt 7.12-13.
6Ta o Del phenda mange:
Phen sa gala alava ande forura katar o Juda ta pe droma katar o Jerusalem, ta phen gia:
Asunen pe so ka achel gava alav, ta cheren le. 7Soke diem pe tumare papura omanglal kana ikandem len katar o Ejipto, ta ni achilem te phenav llik akana:
Asunen mo avazi. 8A ni asunden, ta ni thoden sama, suako lleno mangla te llal pala so mangla leko bilacho lio, goleke ka cherav te peren pe lende sa e alava katar gala sovlia kai phendem te cheren, ta ni cherde.
9Ta o Del phenda mange:
E llene katar o Juda ta maskar e llene katar o Jerusalem, thode te denpe orba te na kanden man. 10Cherde o bilachipe kai cherena lenge purve papura, kai ni kamle te asunen me alava ta llele pala e Dela katar aver phuvia te radin lenge, o Israel ta o Juda phagle mo alav, kai achilema lenge paponenchar. 11Goleke o Del phenda gia:
Me anav pe lende iek bilachipe kai nasti ka liken letar, ta ka mangen mandar a me ni ka asunav len. 12Ta ka llan e forura katar o Juda ta e llene kai zivin ando Jerusalem ta ka mangen katar e dela kai von phabaren lenge o taimano, a nasti ka braduin len katar o bilachipe kai nakhen. 13¡Ioi Juda! Soke prema gachin sea che forura, isto gachin saia che dela, ¡Ioi Jerusalem! Prema gachin sea che droma, isto gachin thodan e altarura katar o lallao, altarura te phabarena o taimano karing o Baal. 14Goleke na molisao pala gava foro, ta na cher roipe ni molipe soke ando llive kai ka molinpe mange pala pi duk, me ni ka asunav.
15¿Pe so gazdaril ande mo cher goia kai voliu la,
a vou cherda gachin ezgode gado?
¿Tu misli kai e kurbanura
ta o mas katar e zivirinie
kai molisailan pe lende
ka achaven e duk kai si te le?
¿Ta golea ka veseli tut?
16Kas e maslinkengo zeleno,
leke septelie si sukar ta dikhol sukar,
gia ikharda tut o Del.
Ande iek avazi zuralo cherda te phabol iag
upral pe lete, ta phagla leke krangura.
17Soke isto o Del kai si le sa e zor kai thoda tut ande phuv te bario, proketisarda tut, pala o bilachipe kai cherda o Juda ta o Israel, soke ni achen te phabaren o taimano karing o Baal.
E dusmanura katar o Jeremias mangen te mundaren le
18Tu Devla cherdan te llanav le, ta pinllardem le, ondaka cherdan te dikhav so cherda. 19Ta me sema sargo iek bakro kai inai dosalo kai inllaren le te mundaren le, soke ni llanava kai denape orba so te cheren manchar, ta phenena:
Zatrisara o kas ta leke septelie, ta china le katar e phuv golengi kai zivin, te na delpe golli letar niko.
20A tu kai san o Del kai si tut sa e zor,
kai chine e kris chachi, kai pinllare o mislo
ta o lio, te dikhav sar dukhave len,
soke angla tu phendem mi orba.#Jer 20.12.
21Goleke gia phenda o Del cheres e murusa katar o Anatot kai roden te mundaren tut ta phenen:
Na phen e poroka ando anav e Devleko, te na nundara tut, 22goleke phenda gia o Del kai si le sa e zor:
Me ka dukhavav len, e ternen ka mundaren len e jarniea, lenge chaurre ta lenge chorra ka meren bokhatar, 23ta ni ka achel niko lendar, soke me ka anav o bilachipe murusa katar o Ananot, ando burs katar lengi duk.
Currently Selected:
Jeremias 11: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
