Isaias 66
66
O blagosipe kojamno
1O Del phenda gia:
O miloso si mo trono
a pe phuv thovav me porrne,
¿Kaitalo o cher kai ka cheren mange,
a kaitalo o than kai ka achav?#Sal 11.4; Mt 5.34; 23.22.
2Mo va cherda sa gala ezgode gia cherdile
gia phenel le o Del,
a ka dikhav po lleno kai si chorro
ta kai si prosto ando duo,
ta kai daral katar mo alav.#Ech 7.49-50.
3O lleno kai del kurbano iekhe guruve,
si sargo kana mundarel iekhe manuse,
o lleno kai del kurbano iekhe bakre,
si sargo te mundarel iekhe llukele,
o lleno kai del vareso dino,
si sargo te del rat baleko,
o lleno kai phabarel taimano,
si sargo te blagosil avere dele.
Ta esvirisarde piro drom, ta lengo lio
volisarda mai but lengo gadope.
4I me ka esviriu lenge e dukha,
ta ka anav pe lende so darana,
soke ikhardem ta niko ni dia anglal,
diem orba ta ni asunde, a von cherde
o bilachipe angla me akha
ta esvirisarde so inai mange drago.#Is 65.12; Jer 7.13.
Kis ta mukliardipe
5Asunen o alav e Devleko, tumen
kai izdran pe leko alav:
Tumare phlal
kai murzin pe tumende
ta kai traden tumen avri pala mo anav phende:
O Del te avel blagosime.
A vou ka sikadol pala tumari veselia
ta von ka achen ando lallao.
6Avazi katar e burkania e foroke,
avazi katar o cher e Devleko,
avazi e Devleko
kai pochinel pe dusmanonenge.#Apo 17.16.
7Man anglal te aven e dukha te bianel,
bianda, mai anglal te avel e duk
bianda iekhe minone.#Apo 12.5.
8¿Ko asunda iek ezgoda gia?
¿Ko dikhla gaia ezgoda?
¿Sai cherel iekhe minone e phuv ande iek llive?
¿Ka biandol iek foro ande iek drom?
A o Sion samo dia ando rado te maladol leke,
bianda pe minonen.
9O Del phenel:
Me kai cherav te avel iek minono,
¿ni ka cherav te biandol?
Cho Del phenel:
Me kai cherav te cherdol iek zivoto,
¿Ni ka mukav te maladol?
10Veselisao Jerusalem ta veselintumen laia
gola kai volin la, dragostin tumen laia,
sa gola kai sen zalosno pala late,
11Ta gia o Jerusalem sargo iek dei,
te del tumen te pien ta te chalion
katar o villelo katar leki zor.
12Soke gia phenel o Del:
Me inzarav pe late e pas sargo iek len,
ta o barvalipe e phuviengo
sargo pai kai likel katar po drom,
ta ka pien ta ka anen tumen ande va,
ta upral pe changa ka malmin tumen.
13Sargo iek lleno kai leki dei del le zor,
gia me ka dav tumen zor,
ta ando Jerusalem ka len zor.
14Ka dikhen ta ka veselilpe tumaro lio,
ta tumare kokala ka ternion sargo e char,
Ta e Devleko va ka avel pinllardo
maskar leke sluge,
ta la joliaol pe lenge dusmanura.
15Soke o Del ka avel e iagaia,
ta leke bordona sargo e balav,
te mukliarel po silnope jolinaia
ta pi joli ande iag kai phabarel.
16Soke o Del ka krisil e iagaia
ta pe jarniea sa e manusen,
ta but llene ka meren tala leko va.
17Gola kai blagosin von pe ta chistonpe
ande bar zeleni iek pala aver, gola kai jan
o mas balikano ta o gadope ta misiakura,
ande iak than ka aven zatrime,
gia phenel le o Del.
18Soke me pinllarav so cheren
ta pinllarav lenge mislura,
ka avel o vreme te chidiniaol sa e phuvien
ta e chibien, ta ka aven ta ka dikhen mi zor.
19Ta ka thovav iek ezgoda te dikhol
maskar lende, ta ka bichalav lendar
golen kai nasle te llan kai e phuvia,
kai o Tarsis, kai o Put ta o Lud
te chuden e arkoia, ando Tubal, ando Iabal,
ande forura morake kai si dur
kai ni asunde mandar ta ni dikhle mi zor,
ta ka phenen katar ni zor maskar e phuvia.
20Ta ka anen sa tumare phlalen
maskar sa e phuvia, te aven dine e Devleke,
pe gra, ande bordona, pe postelie,
pe magarchura ta pe deve, ka anen len
kai mo Santo burdo katar o Jerusalem,
gia phenel le o Del, sargo e chave
katar o Israel kai anen e ezgode chiste
kai o cher e Devleko.
21Ta i maskar lende ka lav te aven popura
ta levitura, gia phenel le o Del.
22Soke isto gia sar o nevo miloso ta e nevi phuv,
kai me cherav ka aven angla mande,
gia ka achel tumaro porodo ta tumaro anav,
gia phenel le o Del.#Jer 31.35-36; Is 65.17; 2 P 3.13; Apo 21.1.
23Ta chon pala o chon
ta sabado pala o sabado,
ka aven sa te blagosin angla mande,
gia phenel le o Del.
24Ta ka liken, a ka dikhen e llenen mule
kai ni kandie man, lenge cherme
nikada ni ka meren, ni lengi iag ni ka merel
ta sa o sueto ka gadolpe lendar.#Mk 9.48.
Currently Selected:
Isaias 66: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
