Jueses 21
21
E vicha katar o Benjamin pale vazdiniaol
1E israelitura jale sovel ande Mispa kai ni ka den lenge chorren te zininpe ni iekhe llenea katar e vicha e Benjamineki. 2Mapalal chidinaile ando Betel ta sea angla o Del llik kana peli e riat, rovena ta ande bari avazi phenena: 3¡Ioi Gazda Del e Israeleko! ¿Soke sumbisaili iek vicha ando Israel?
4Thiarinako rano e israelitura cherde iek altar ta die kurbanura e Devleke ta die ezgode dine te sai prostil o Del. 5Ta puchena: ¿Ko amendar ni saia ando Mispa kana amen chidinailam?, soke jalea sovel kai ka mundaren e llene kai ni lleloia.
6E israelitura sea but tristome andar so nakhlaia e llenenge katar o Benjamin ta phenena:
Gava llive jasaili iek vicha ando Israel. 7¿Sar ka chera te da diskinie e llenenge katar o Benjamin kai ni mule? Soke amen achilam pe orba e Devlea kai ni ka da lenge amare chorra te zininpe lenchar. 8¿Si kate iek lleno israelita kai ni saia angla o Del ande Mispa? Ta dikhle kai niko katar o Jabes Galaad aviloa ando Mispa.
9Soke llinde e foro ta ni saia kote ni iek lleno katar gua foro. 10Ondaka o foro bichalda desudui milie katar e mai lache boñikura ta phende lenge te mundaren saurren ando Jabes ta i te mundaren e minonen ta e diskinien. 11Ta phende lenge te mundaren e murusen ta suakone diskinia kai sovti iekhe murusea. 12Ta ande Jabes zivina star stotine chorra kai nikada ni soute iekhe murusea ta ande len karing o pero katar o Silo ando Kanaan. 13Ondaka o foro bichalde te ikharen e llenen katar o Benjamin kai sea ande pechina katar o Rimon, ta ikharde len ande pas. 14E llene katar o Benjamin irisaile ta e israelitura die len e chorren kai andea katar o Jabes. A ni resle e chorra suakoneke.
15E israelen saia zao e llenendar katar o Benjamin soke o Del muklaia iek putardipe maskar e viche katar o Israel. 16Ta e gazda katar o foro puchena: ¿Sar ka chera te da diskinien ogolen kana inai ios diskinie katar o Benjamin? 17Andar e llene kai ni mule, e vicha e Benjamineki morabi te achel pe po than maskar amare viche, gia te na jasaol iek vicha ando Israel. 18Amen nasti te da len amare chorren te zininpe lenchar, soke jalam sovel kai lenge ni ka da amare chorren. 19A suako burs si bari slava e Devleke ando Silo kai si ando norte katar o Betel, po drom kai llal katar o Betel karing o Sikem ta ando sur katar o Lebona.#1 S 1.3,21.
20Ondaka e gazda katar o Israel bichalde te phenen e llenenge katar o Benjamin:
Llan kai e vostanura drakhake kai si pasa o Silo, 21Kana ka dikhen kai e chorra katar o Silo liken ando chelipe, liken i tumen te lel suako tumendar iek diskinia ta llantar ande tumari phuv. 22Te si kai e dada ta e phlalen katar e chorra aven te puchen amen soke cherdam gia, amen ka phena lenge gia:
Moli amen tumenge te de len amen, soke ando maripe e Jabesea ni resle e diskinie suakoneke. Ta ni bangaren o alav soke tumen ni die len.
23Ta e llene katar o Benjamin cherde le gia, ta lie diskinien kai likistea ando chelipe. Lleletar ta irisaile kai lengi phuv, vazdie pale e forura ta zivisarde ande len.
24Ta i ogola israelitura lleletar ta suako lleno irisailo kai pi phuv, kai pi vicha ta kai pi familia.
25Ande gua vreme ni saia charo ando Israel ta suako lleno cherela so mislilape orta.#Jue 17.6.
Currently Selected:
Jueses 21: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
