Jueses 18
18
O Mikaias ta e llene katar e vicha e Daneki
1Ande gua vreme ni saia charo ando Israel. Ta e llene katar e vicha e Daneki rodena phuv te sai zivin soke ni diea len phuvia maskar e viche katar o Israel.#Jos 19.47. 2Ta e llene katar o Dan bichalde panlle katar lenge murusa, murusa tromane katar e Zora ta o Estaol te sai dikhen e phuv. Gala panch murusa avile po burdo katar Efrain llik kai o cher e Mikaiaseko ta racharde kote. 3Kana sea ando cher katar o Mikaias llangle katar saia o levita prema sar dela orba, ta puchle le:
¿Ko anda tut karinga? ¿Soke san kate? ¿So rode kate?
4Ta o levita phenda leke e orba kai achiloia lea o Mikaias ta sar thodaia le te avel leko popo. 5Ondaka von phende leke:
Puch e Devle te llana sar ka llal amenge.
6Ta o popo levita phenda lenge:
Llan esmiro soke o Del ka arakhel tumen kaigo llana.
7Kotar e murusa likiste ta llele ando Lais, ta dikhle kai ando foro ni radina ta ni darana, sar cherenale e sidoniura. Niko ni dela len joli ta sea dur katar e sidoniura, ta ni chinena ni bichinena nikatar. 8Ondaka e panch murusa irisaile ando Zora ta Estaol kai sea lengi familia, ta puchle len:
¿Sar llela tumenge?
A von phende:
9Dikhlam goia phuv kai si but sukar. ¡Aide te da pe lende! ¡Na achen kote ta niso ni cheren! ¡Si te lla te la e phuv! 10Kana ka aven incha ka dikhen kai e llene si lenge esmiro, si len bari phuv ta ni trubul lenge niso. O Del ka del tumen goia phuv.
11Ondaka sov stotine murusa e ezgodenchar marimake likiste katar e Sora ta o Estaol, 12ta avile ande Juda ta logle pe rig kai perel o kham katar o Kiriat Jearim, goleke llik akana ikharen gua than o pero katar o Dan. 13Kotar llele pe burdura katar o Efrain ta avile kai o cher katar o Mikaias. 14Ondaka e panch murusa kai llelea te dikhen e phuv phende pe phlalenge:
¿Llanen kai ande gava cher si iek efod, si terafinura ta iek slik a mardi ando rup? ¿So mislin te cheren?
15Ta e panch murusa llele kai o cher katar o levita terno ta puchle le, sar san. 16Ta e sov stotine boñikura aduricharena po udar. 17E panch murusa die ando cher ta lie e slik a mardi ando rup, o efod ta e terafinura. Ta o popo levita saia po udar e sov stotine boñikonenchar.
18Kana o popo dikhla e panlle llenen kai dena ando cher katar o Mikaias ta lena e slik a o efod ta e terafinura, phenda lenge:
¿So cheren?
19Ta von phende leke:
¡Tu, na de orba ta aide amenchar! ¡Amen manga te ave amaro popo ta i te ave sargo amaro dad! ¿Inai mai sukar te ave o popo katar iek vicha katar o Israel neko katar samo iek lleno?
20Ta o popo beselisailo, lia e slik a o efod e terafinura ta llelotar e danitonenchar. 21Ta e danitura pale lleletar po drom e minonenchar e zivirinienchar ta lenge ezgode angle. 22Kana phirde but o Mikaias ta e llene katar leko cher likiste te roden len. 23Kana e danitura asunde o urkipe katar e llene kai rodena len, boldinaile ta dikhle pala pete, ta puchle e Mikaiase:
¿So si chuke? ¿Soke urki gachin?
24Ta o Mikaias phenda lenge:
Tumen lien murne delen kai cherdem, lien mo popo, ni muken man niso ta i puchen man, ¿so si chuke?
25A e danitura puchle le:
Na urkisar pe amende, soke fiko amendar sai te del pe tu ta ka mere tu ta chi familia.
26Ta kana o Mikaias dikhla kai von sea mai but, irisailo kai po cher ta e danitura llele po drom 27e ezgodenchar kai liea katar o Mikaias ta e popoia ta avile ando Lais. Kote o foro saia esmiro ta e danitura e jarnienchar mundarde saurren ta phabarde e foro. 28Ta niko ni likisto te marelpe pala len soke o Lais saia dur katar o Sidon, ta ni sea len niso nikaia. Ta o foro saia ande bari umal kai si pasa o Bet Rejob. Mapalal e danitura pale vazdie e foro ta zivisarde ande le. 29Ta ikharde e foro Dan, sargo ikharena lenge dade chavo katar o Israel, makar omanglal ikharena gale foro Lais. 30Ta e danitura thode e slik a te blagosin la. Ta o Jonatan chavo katar o Gerson ta unuko katar o Moises, vou ta leke chave sea popura katar e vicha e Daneki llik kana inllarde len phangle. 31Gia achili e slik a katar o Mikaias sa o vreme kana o cher e Devleko saia ando Silo.
Currently Selected:
Jueses 18: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
