Jueses 17
17
E slike ta o popo katar o Mikaias
1Po burdo katar o Efrain saia iek lleno kai ikhardola Mikaias. 2Ta phenda pe dake:
E milia ta stotina tolaria rupune kai vazdie tutar ta kai proketisardan e chorano, mande si. Me vazdiamlen tutar, a akana me iriulen chuke.
Ondaka leki dei phenda leke:
¡Te ave blagosime e Devletar chavo murno! 3Ta vou irisarda lake e milia ta stotine tolaria rupune, ta leki dei phenda leke:
Me diem e love dine e Devleke pala mo chavo te cherav iek slik a mardi ande rup.
4Kana vou irisarda e love, leki dei lia dui stotine tolaria ta dialen e lleneke kai bilavel o rup ta cherda lenchar iek slik a ta thodela ando cher katar o Mikaias.
5E Mikaiase sea ande po cher delen, ta cherda iek efod ta terafinura ta thoda iekhe katar leke chave te avel leko popo. 6Ande gua vreme ni saia charo ando Israel goleke suako lleno cherela po piro.#Dt 12.8; Jue 21.25.
7Ta ando Belen saia iek lleno terno katar e vicha e Judaeki kai saia levita ta zivila kote. 8Gava lleno terno likisto katar o Belen katar o Juda te sai zivil kai malavela than. Ta avilo ando burdo katar o Efrain kai o cher katar o Mikaias.
9Ta o Mikaias puchla le:
¿Katar ave?
Ta o lleno terno phenda leke:
Avav katar o Belen, sem levita ta rodav mange kai te ziviv. 10Ondaka o Mikaias phenda leke:
Achi mande te ave mo popo ta mo dad. Ta me ka dav tut suako burs des tolaria rupune, patave ta jape.
11Ta o levita achilo te zivil e Mikaiasea ta cherdilo sargo iek katar e chave katar o Mikaias. 12O Mikaias thoda le leko popo, ta achilo te zivil kote. 13Ondaka o Mikaias mislisailo kai pala gua o Del ka blagosil le, soke lete saia iek levita.
Currently Selected:
Jueses 17: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
