Jueses 10
10
O gazdaripe katar o Tola
1Mapalal katar o Abimelek, iek lleno katar e vicha e Isakareki kai ikhardola Tola, chavo katar o Pua ta unuko katar o Dodo, vazdinailo te braduil e Israele. O Tola zivila ando Samir po burdo katar o Efrain. 2Ta o Tola gazdarisarda ando Israel bis ta trin burs. Ta kana mulo prajosarde le ando Samir.
O gazdaripe katar o Jair
3Mapalal vazdinailo o Jair katar o Galaad, ta gazdarisarda ando Israel bis ta dui burs. 4E Jaire sea le tranda chave kai llana pe tranda magarchura, ta sea len tranda forura ando Galaad kai llik akana ikharen len e forura katar o Jair.
5Kana mulo o Jair prajosarde le ando Kamon.
E amonitura dukhaven e Israele
6A e israelitura pale cherde o bilachipe angla e akha e Devleke ta blagosisarde e Baale ta e Astarte ta i blagosisarde e delen katar e Siria, Sidon, Moab, Amon ta katar e filisteura. Mukle te blagosin e Devle. 7Goleke o Del jolailo pe lende ta dia len e filisteonenge ta e amonitonenge. 8Sar kotar ande desojto burs e filisteura ta e amonitura dukhade zurale e israelen kai zivina ando Galaad, pe ogoia rig katar o Jordan, ande phuv katar e amorreura. 9E amonitura nakhle o Jordan te marenpe e vichenge katar o Juda, Benjamin, ta Efrain. Ta e israelitura sea but brigime. 10Ondaka ikharde e Devle ta phende leke:
Devla, cherdam o bilachipe angla tu soke muklam tut te sai blagosi avere delen.
11Ta o Del phenda lenge:
E ejipsiura, e amorreura, e amonitura e filisteura, 12e sidoniura e amalekitura ta e madianitura dukhade tumen, ta kana tumen ikharden man me braduisardem tumen. 13A tumen muklen man te sai blagosin avere delen. Goleke me ni ka braduiv tumen ios. 14¡Llan kai e delen kai esvirisarden! ¡Von te braduin tumen kana ka aven ande brige!
15Ondaka e israelitura vacharde e Devleke:
Amen cherdam o bilachipe. Cher amenge sogo kamea, ¡a braduisar amen akana, moli amen chuke! 16Ta e israelitura ikande e delen ta blagosisarde e Devle. Ta avilo zao e Devleke kana dikhela sar o Israel nakhela patnia.
17Ondaka e amonitura chidinaile ando Galaad. Ta e israelitura chidinaile ta logle ando Mispa. 18Ta e mai preche llene ta o foro katar o Galaad phende iek avereke: O purvo lleno kai ka marelpe e amonitonenchar ka gazdaril ando Galaad.
Currently Selected:
Jueses 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
