Isaias 6
6
Sar avilo ikhardo o Isaias
1Ando burs kai mulo o charo Usias me dikhlem e Devle kai besela chak upre pe iek trono blagosime, ta leko fistano pherela o cher e Devleko.#2 R 15.7; 2 Kr 26.23. 2Upral katar saia vou sea dui serafine kai achena pe porrne, suako iek saia le sov pakha, duienchar ucharena po mui, duienchar pe porrne ta ogole duienchar furiana. 3Ta iek lendar urkila pe ogola ta phenela:
Santo, santo, santo, o Del kai si le sa e zor,
sa e phuv si pherdi katar leki zor.#Apo 4.8.
4Ta e udara katar o cher e Devleko dermosaile kana asundilo o avazi katar gua kai urkila ta o cher pherdilo thuv.#Apo 15.8. 5Ondaka phendem:
¡Tesko mange, akana ka merav soke me us si pokalime ta soke ziviu maskar e llene kai lenge us si pokalime! Dikhlem e Charo, o Del kai si le sa e zor.#Ek 33.20.
6Ta furiao mande iek katar e serafine, ta ande leko va saia iek angar phabardo kai ikanda katar o altar iekhe kliastoia, 7dodisarda lea me us ta phenda:
Akana gaia ezgoda dodisarda che us
ta chi dos si ikandi tutar
ta i cho bilachipe achel chisto.
8Ondaka asundem o avazi e Devleko kai phenela:
¿Save llene ka bichalav?
¿Ko ka avel amaro bichaldo?
Ondaka phendem me:
Kate sem, bichal man.
9Ta vou phenda:
Lla ta phen gale foroke:
Asunen ta na acharen,
dikhen ta na razumin.
10Na muk te acharel gava foro,
phande lenge kan ta korrav lenge akha,
te na dikhen pe akhenchar
ta te na asunen pe kanenchar
ta lengo lio te na acharel ta te na pharudol
ta te na sastol.#Ez 12.2; Mt 13.14-15; Mk 4.12; Lk 8.10; Jn 12.40; Ech 28.26-27.
11Ta me phendem:
Devla ¿Llik kai?
Ta vou phenda:
Lligo ni ka aven puste e phuvia
ta ni ka zivil niko ande lende
ta kana ni ka avel llene ande chera
ta kana e phuv ka achel pusti,
12lligo ni ka chudel o Del e manusen dur
ta kana ka cherel te aven
mai but thana puste pe phuv.
13A te achena des katar e stotina,
pale ka avel zatrime,
a gia sar o roble ta e ensina
kai kana chinen len achel lengo kas ande phuv,
sargo gua ka avel e vicha santa.
Currently Selected:
Isaias 6: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
