Isaias 7
7
E purvo poroka katar o Isaias e Ajaseke
1Ande llivesa kana o Ajas chavo e Jotameko, ta unuko katar o Usias, saia charo katar o Juda, o Resin charo katar e Siria ta o Pekaj chavo katar o Remalias charo katar o Israel, llele ando Jerusalem te marenpe lenchar ta nasti dobisarde len.#2 R 16.5; 2 Kr 28.5-6. 2Ta o David asunda kai e Siria ta o Efrain thodepe zanio. Ta o lio katar o David izdraio ta i o lio katar leko foro izdraio sargo e kasta kai izdrarel len e balav po burdo.
3Ondaka o Del phenda e Isaiseke:
Lla akana tu ta cho chavo o Sear Iasub te malado e Ajasea pe iek rig kote kai chidiniaol o pai upre, po drom katar e phuv goleki kai jalavel, 4ta phen leke:
Arak ta achi esmiro,
na dara katar o Resin ta e Siria
kai phabon jolinatar
sargo dui kasta kai likel lendar thuv,
ni katar o chavo katar o Remalias.
5Diepe orba te zatrin tut o sirio, o Efrain
ta o chavo katar o Remalias ta phenen:
6Aven te mara len ta zatrisara len
ta fulava o Juda maskar amende
ta thova maskar lende te avel charo o chavo katar o Tabel.
7Goleke o Del o Gazda phenel gia:
Ni ka dobin ta ni ka avel gia.
8Soke o soro katar e Siria si o Damasko,
ta o soro katar o Damasko si o Resin,
ta ande sovardes ta sov burs
o Efrain ka avel zatrime ta ni ka avel iek foro.
9Ta o soro katar o Efrain si e Samaria
ta o soro katar e Samaria
si o chavo katar o Remalias.
Tumen te na pachaien, ni ka achen llunde.
E duito poroka: Sar ka biandol o Emanuel
10Ta dia orba o Del e Ajasea ta phenda leke: 11Man te sikavel chuke o Gazda cho Del, isto akana avela chak telal o chak upral.
12Ta o Ajas phenda:
Ni ka mangav ta ni ka zumavav e Devle.
13Ondaka phenda o Isaias:
Asunen tumen kai sen katar o cher e Davideko.
¿Inai tumenge dosta kai chiniaren e llenen,
a mangen te chiniaren me Devle?
14Goleke isto o Del ka sikavel tumenge:
Iek chei ka achel phari
ta ka avel la iek minono,
ta ka thoven leko anav Emanuel.#Mt 1.23.
15Ka jal kaimako ta aullin
lligo ni ka esviril vou petar
te na jal o bilachipe ta te jal o lachipe.
16Soke mai anglal o minono te esviril
te na jal o bilachipe ta e jal o lachipe,
e phuvia katar dui charura
kai dara lendar ka achen puste.
17O Del ka cherel te aven pe tute,
pe cho foro ta po cher che dadeko,
llivesa sar si sea nikada sar kana
o Efrain fuladilo katar o Juda
te llaltar kai o charo katar e Asiria.#2 R 12.1-20.
18Ande gola llivesa o Del ka ikharel
ande sol e makha kai si ando son
katar e paia ando Ejipto
ta e bindivore kai si ande phuv katar Asiria,
19ta ka aven ta sa ka achen
ande umalia puste ta maskar e barra phage,
ta maskar sa e karrne ta maskar e patra.
20Ande gua llive o Del ka anel
e charo katar e Asiria kai zivil pe ogoia rig
katar o pai ta gua charo ka avel sargo
iek bursnako chinado, kai ka chinel en bal
katar lengo soro ta katar lenge porrne
ta i katar lenge chor.
21Ande gola llivesa iek manus ka bariarel iekhe guruve ta duie bakren, 22ta sar ka den le gachin thud, gola kai ka zivil po maskaral katar e phuv ka jal kaimako ta aullin.
23Ta i ka avelpe ande gola llivesa, kai te avela iek umal kai saia la milia kasta drakhenge kai mola len milia tolaria rupune, ka cherdon karrne ta char suki. 24Ka llan incha ta ka inllaren pea arkura ta llide soke sa e phuv ka avel kasta karrnale ta karrne. 25Ta niko ni ka llal te radil e phuv pasa e burdura soke ka daran katar e karrne ta katar e kasta karrnale, ta ka achen e guruvenge te jan ta te ustaven len e bakre.
Currently Selected:
Isaias 7: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
