Isaias 5
5
E umal e drakhengi, sargo o Juda
1Akana ka llilabav goleke kai voliu le
o llilabipe katar leki umal e drakhengi.
Gole kai voliu saia le drakha
pe iek umal lachi.#Mt 21.33; Mk 12.1; Lk 20.9.
2Chistosarda la katar e barra,
thoda truial iek bar ta thoda te barion
e drakha esvirime
ta po maskaral vazdia iek cher,
kote cherda iek than te cherel e mol
ta aduricharela te del drakha
ta dia drakha kai barion pe suako rig.
3Akana phenen mange tumen e murusa
ta tumen kai zivin ando Jerusalem
chinen mange iek kris pala mi drak ta mi phuv.
4¿So sai cherav ios pala mi phuv e drakhengi?
¿Sar, adurichardem te del drakha,
a dia man drakha kai barion pe suako rig?
5Akana ka sikavav tumenge si ka cherav
e drakhenge kai si ande mi umal:
ka ikanav laki bar ta ka zatrinla,
ka putarav e bar ta ka avel ustadi.
6Ka cherav te achel pusti,
ni ka chinen lake patra
ta ni ka anaven laki chik ta ka barion
e karrne ta e kasta karrnale.
Ta i ka phenav e oblakonenge
te na denpeke upral pe late.
7Chachimaia e drakha katar
o Del kai si le sa e zor si o cher katar o Israel
ta e murusa katar o Juda si leke sukar patra.
Aduricharela lendar kris,
a die le o kojaipe,
aduricharela lendar o chachipe,
a die le urkipe.#Jer 2.21; Os 10.1; Lk 13.6-9.
Kasti e bilachenge
8¡Tesko golenge kai chiden cher po cher,
ta umai pe umal ta pheren sa!
¿Ka zivin tumen korkorre pe phuv?
9O Del kai si le sa e zor phenda manhe
kai but chera ka achen puste,
niko ni ka zivil ande bate ta sukar chera.
10E drakha kai ka den des burura mol
ka den samo iek bure,
a des vreche lliu
ka den samo iek vrecha.
11¡Tesko golenge kai usten thiarinako
te pien pale te maton, ta gia llik kai e riat
ta lligo ni phabon e moliatar!
12Ta kana cheren iek jape basalen e arpa,
ando tamburi ta chalaven ande tamborile,
basalen e firura ta pien mol,
ta ni dikhen so cherda o Del
ta e ezgode kai cherda pe vastenchar.
13Goleke mo foro llelo phanglo,
soke ni saia le o llanglipe, ta lenge
llene kai sea lengo baripe, mule bokhatar
ta lengo foro sukilo trusatar.
14Goleke o limori bariarda po than,
ta bariarda po mui sogo sai,
kote ka fuliel lengo baripe, lengi veselia
ta lenge but llene kai veselinape
15O manus ka avel thodo ando lallao
ta o murus ka avel zatrime,
e barikane ka peraven o soro.
16A o Del kai si le sa e zor
ka avel blagosime ande kris
ta o Del o Santo
ka avel Santo ando chachipe.
17Ta e bakre ka aven arakhade
gia sar cheren le suako drom,
ta e llene katar aver phuvia
ka jan e umalia puste katar e barvale.
18¡Tesko golenge kai anen o bilachipe
phanglo pe pete ande sole katar o kojaipe,
ta kai chirden le pala pete sargo iek bordon!
19ta phenen gia:
¡Te avel oma,
te sigarel pi buchi, ta dikha, te avel mai pase,
te sikavel amen o Santo katar o Israel,
te sai pinllara le!
20¡Tesko golenge kai so si bilachi,
phenen ka si lacho,
ta so si lacho phenen kai si bilacho,
kai o villelo cheren le truniariko
ta o truniariko cheren le villelo,
kai thoven o cherkipe po guglipe
ta o guglipe thoven po cherkipe!
21¡Tesko e golenge kai mislin kai si llangle!
¡Tesko e golenge kai von peke si bizai!
22¡Tesko e golenge kai si tromane te pien mol
ta kai si zurale te pien e molia amime,
23gola kai chacharen e bilache pala e love
len katar o chacho leko chachipe!
24Goleke, gia sar e iag phabarel o llubri
ta o plameko phabarel e char suki,
isto gia ka aven lenge zile
sargo iek chernipe ta lengi lulunllin ka perel
sargo prajo, soke mukle
o zakono katar o Del kai si le sa e zor
ta gadosaile katar o alav
katar o Santo e Israeleko.
25Pala gaia ezgoda o Del jolailo zurale
pe po foro ta vazdia po va pe lende
ta dukhada le ta dermosaile e burdura
ta lenge mule achile chudine pe droma.
A leki joli ni phagili ta leko va si pe lende.#Is 9.12,17,21; 10.4.
26Ka vazdav iek bariako
te aven e phuvia kai si dur
ta ka del sol te ikharel e phuvien kai si dur
ta ka avel oma ta but zurale.
27Niko ni ka avel chinio maskar lende
ta niko ni ka eskombal,
niko ni ka sovel ta ni ka avel lindralo,
nikako kavisi ni ka mukliardol
ta ni ka mukliardon lenge minie.
28Lenge llide ka aven ostrome
ta lenge arkura ka aven chapene.
E porrne katar lenge gra si zurale sargo barr
ta e tochkura katar lenge bordona
sargo iek bari balav.
29Ka basen sargo liono
ka basen sargo iek liono ternorro
ka basen leke danda ta ka istarel iek zivirinia,
ka inllarel la bidarako ta niko ni ka lel la letar.
30Ta ka basel pe lete ande gua llive
gia sar basel e mora, ondaka ka dikhel pe phuv
ta ka dikhel o truniariko e nuzdako
ta ando miloso ka cherdol truniariko o villelo.
Currently Selected:
Isaias 5: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
