Isaias 57
57
1O chacho merel ta niko ni thovel sama,
e llene lache meren ta niko ni acharel
kai von meren pala o bilachipe kai si.
2Von ka aven ande pas,
ka achen ande po than
sa gola kai llan angla o Del.
Inai sukar te blagosin avere delen
3A tumen aven kate,
chave katar e chirimatarka,
vicha katar o kurvaluko ta katar e kurvichka:
4¿Katar marden espurnia?
¿Pe ka putarden tumaro mui
ta bariarden tumari chib?
¿Ni sen tumen e chave kai ni kanden
ta vicha kojamni,
5kai telal katar e bare kasta
phabon tumare lie tumare delenchar,
kai den kurbano e chaurren ande umalia,
maskar e pechine?#Lv 18.21; Jer 7.31; 19.5.
6Ande barra orta katar e umal si cho than,
von si chi baj, ta andan lenge ezgode dine
ta cherdan lenge kurbano moliako.
¿Ta mangen te veseliu man pala gala ezgode?
7Upral po baro burdo ta vazdino
thodan cho kerveto,
ta kote likistan te chere kurbano.
8Ta pala o udar muklan che alav,
soke ikandan tutar che patave, likistan upre
bi murno kai cho than ta buliardan le,
achilan pe iek alav,
volisardan lengo kerveto kaigo dikhea le.
9Ta llelan kai o charo zeitinoia,
pherdan tut meriso ta bichaldan dur
e llenen kai dena orba cheres tu,
ta pelan chak tele ando limori.
10Chinilan kai phirdan pe but droma,
a ni phendan:
Llik kate avilem, maladan
nevi zor ande cho va ta goleke
ni jasardan e vlaga.
11¿A katar darailan, ta avila chuke dar
kai jasardan cho pachape,
ta ni dian tut golli mandar?
¿Ni cheren but burs kai ni phene niso
ta nikada ni darailan mandar?
12Me ka phenav cho chachipe ta so chere,
ta ni ka mol chuke niko.
13Kana ka mangen te braduin tut che dela,
a saurren ka inllarel e balav,
iek balaviorri ka inllarel len,
a kogo uzdilape ande mande
e phuv ka achel leke,
ta leko ka avel mo santo burdo.
E duk ta o sastipe katar o Israel
14Ta ka phenel:
Ortosaren, metisaren o drom,
len e ezgode katar o drom
te na eskombal mo foro.
15Soke o Baro ta Glamno,
gua kai zivil ande chara ta leko anav si Santo
phenda gia:
Me ziviu upre kote kai si santo,
ta e llenenchar kai si dukhade ta si prosto
lengo duo, te dav zivoto e duo
katar e llene proste ta
cherav te zivil o lio katar e llene dukhade.
16Soke ni ka marav man ostade
ta ni ka avav joliariko sa o vreme,
soke ka chiniol mo duo
ta e zivotura kai cherdem.
17Me jolailem me foroia
soke bilachimaia mangena te cheren pe piro,
ta dukhadem len,
jolailem ta ni sikadilem lenge,
ta isto gia ni kandena
ta cherena so von mangen.
18Dikhlem so cherde, a ka sastarav len
ta ka inllarav len sargo iak chobano,
ta ka dav le zor ta i leke llenen kai si zalosno,
19ta ka cherav te phenen lenge us:
Pas, pas goleke kai si dur ta goleke kai si pase
phenda o Del, ta ka sastarav len.#Ef 2.17.
20A e llene kai ni pachan si sargo e mora divi,
kai nasti ache pe po than,
ta lako pai chudel petar e mel ta o glibo.
21O Del phenda inai pas,
e llenenge kai ni pachan.#Is 48.22.
Currently Selected:
Isaias 57: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
