Popular Bible Verses from Isaias 54

Share

Ni iek ezgoda cherdi te marelpe manchar ni ka llal lake sukar, ta kogo dela orba bilachi tutar pe kris ka dosare le. Gava si so mukla e slugenge katar o Del, ta lengo braduipe ka avel mandar, gia phenda le o Del.

Soke e burdura ka miskonpe, ta e burdichura ka izdran, a tutar ni ka duriol mi zalba, ta ni mo alav katar mi pas ni ka phagav, gia phenda o Del, gua kai si leke zalba tutar.

Na dara, soke ka llene so te chere, na lalla, soke ni ka kusen tut. Ka bristare tut katar o lallao kai nakhlan ande cho ternipe, ta katar o lallao katar cho phivlipe ni ka de tut golli ios.

Soke cho rrom si gua kai cherda tut, o Del kai si le sa e zor gia si leko anav, ta cho Braduimari, o Santo katar o Israel, Del katar sa e phuv kai ikharen le.

Buliar chi chara ta e chitura katar che sobe, na estedi bariar che chilodoria, ta mar che chile.

Ta sa che chaurren ka sikavel len o Del ta ka bariol e pas katar che chaurre.

Me sema cherricha joliariko ta gurudem mo mui tutar, a ostade ka avel mange zalba tutar, gia phenda o Del cho Braduimari.

Cherricha vreme ka mukav tut, ta ka avel manga bari zalba tutar ta ka lav tut.

Soke mange ka avel sargo ande llivesa katar o Noe, kana diem mo alav kai nikada ios ni ka nakhel o pai pe phuv isto gia diam mo alav kai ni ka joliaivav pe tute ta ni ka thovav chuke kasti.

Che penllerave ka cherav len katar e barra kuch, che udara katar e barra lole, ta sa che zidura katar e barra kuch.