Isaias 51
51
Alava kai len e duk katar o Jerusalem
1Asunen man, gola kai llan pala o chachipe
gola kai rodel e Devle. Dikhen po barr
katar avilen chinde, ta po putardipe barrustuno
kai anade te ikanen tumen.
2Dikhen po Abraam tumaro Dad, ta pe Sara
kai bianda tumen, soke kana saia samo iek,
ikhardem le, ta blagosisardem le
ta cherdem te avel le but porodo.#Jen 12.1-3.
3Chachimaia o Del ka del zor e Sione,
ka del le zor kai achilo korkorre,
ta ka pharruvel leko pusto ando sukaripe,
ta kote kai ni saia niso
ka bariol o vostano e Devleko,
kote ka avel veselia ta dragostia,
blagosipe ta llilabipe veselo.#Jen 2.8; Ez 36.35.
4Thoven sama pe mande, foro murno,
asun man murni phuv,
soke mandar ka likel o zakono
ta mo chachipe e phuvienge.
5Pase si mo chachipe, likisto mo braduipe,
ta me va ka krisin e phuvien,
man aduricharen gola kai zivin pasa e mora
ta von uzdinpe ande po va.
6Dikhen upre po miloso ta tele pe phuv,
soke o miloso ka avel biladino sargo o thuv,
ta e phuv ka phuriol sargo e patave kai phirava,
ta isto gia ka meren gola kai zivin kote,
a mo braduipe ka avel ostade
ta mo chachipe ni ka merel nikada.#Sal 102.25-28; Mt 24.35.
7Asunen man gola kai pinllaren o chachipe,
foro ka ande tumaro lio si mo zakono.
Na daran kai kusen tumen e manusa
ta na jasaren e vlaga pala lengi joli,
8Soke sargo e patave kai jal len o chermo
isto gia ka jal len, sargo e bal e bakreke
isto gia ka jan len e cherme, a mo chachipe
ka achel ostade, ta mo braduipe sa e bursenchar.
9Llungado, llungado, furiado katar e zor
va e Devleko, llungado sargo omanglal
sargo ande bursa e purane. ¿Ni san tu
gua kai chinda po dopas e Rabae,
ta kai nakhada po dopas e iagartane?#Job 9.13; 26.12.
10¿Ni san tu gua ka sukarda e mora,
o pai katar e bari jar, gua kai cherda e bari mora
te cherdol drom te nakhen e llene braduime?#Ek 14.21-22.
11Chachimaia ka irinpe kai o Del e braduime,
ka irinpe ando Sion llilabindo,
ta upral pe lende ka avel e veselia ostade,
ta dragostia, ka aven vesele
ta o roipe ta e duk ka nasen.#Is 35.10.
12Me, me sem kai dav tumen zor.
¿Ko san tu te dara e katar o manus, kai merel,
ta katar iek chaurro manus kai si sargo char suki?
13Bristrailan katar o Del ka cherda tut,
kai buliarda o miloso ta cherda e phuv,
ta suako llive daraia katar e joli
goleki kai dukhavel, kana thovelape te zatril.
¿A kaitali e joli katar gua kai zatril?
14O phanglo chinio ka avel mukliardo oma,
ni ka merel ande rubie, ta ni ka achel bi mrneko.
15Soke me o Del, kai miskou e mora
ta cherav te basen e valura, sem cho Gazda,
kai leko anav si o Del kai si le sa e zor.
16Ta ande chiro mui thodem me alava,
ta uchardem tut e senkaia katar mo va,
buliardem o miloso
ta thodem e barra kai istaren e phuv,
ta phendem e Sioneke:
Tu sam mo foro.
17Llungado, llungado, uste Jerusalem,
kai pilan katar o va e Devleko
o taso katar e joli e Devleki,
sa pilan so saia ando taso katar o zalipe.#Jer 25.15; Apo 14.10; 16.19.
18Katar sa e chaurre kai avila la,
inai ko te inllarel la angle,
inai ni iek chaurro te istarel la e vastetar.
19Gala dui ezgode avile chuke:
Silnope ta zatrania. ¿Ko ka dukhadol pal tu?
¿Ko ka del tut zor?
20Che chaurre jasarde e zor, achile inzarde
kote kai maladon sa e droma,
sargo e antilope istarde ande mreza
ta pe lende sa o pharipe katar e joli e Devleki.
21Goleke asun gaia ezgoda, matie,
a ni pilan mol.
22Gia phenda o Del cho Gazda, kai si cho Del,
kai dia orba pala po foro:
Liem katar cho va o taso kai zalil
ta nikada ios ni ka pie letar.
23Ta ka thovav le ando va katar gola
kai dukhaven tut, gola kai phenena chuke:
bangiu ta ka nakha upral pe tute.
Ta tu thodan chi esnaga sargo phuv,
ta sargo drom te sai nakhen.
Currently Selected:
Isaias 51: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
