Isaias 50
50
1O Del phenel:
¡Na mislin kai me tradiem e Israele, tumari dei,
gia sar iek murus tradel pe diskinia,
o kai bichindem tumen sargo sluge
soke sema unllile varekake!
tumen avilen bichinde pala tumaro bilachipe,
tumari dei kai si o Israel avili tradini
soke tumen ni kamlen te kandien.
2¿Soke kana avilen ni maladem nika,
ta kana ikhardem, niko ni dia anglal?
¿A so, jarnilo mo va te na braduiv tumen?
¿Inai man e zor te braduiv?
Samo iek alav murno ta e mora sukol,
e paia achen puste,
e mache meren soke inai len pai ta chernion.
3Me ucharav o miloso ando truniariko
ta furiavav le ando zalosno.
O sluga e Devleko uzdilpe ando Del ande nuzda
4O Del dia man alava bizaieke,
te llanav sar te dav orba golea kai si chinio,
ka llungadon me kan thiarin pala e thiarin,
te sai asunen sar asunel o bizai.
5O Del o Gazda putarda me kan,
ta me kandiem, ta ni dien palpale.
6Diem mi esnaga kai gola kai dukhaven,
muklem te chirdena me chor
ta ni gurudem mo mui
katar gola kai kusena man
ta chungardena pe mande.#Mt 26.27; Mk 14.65.
7Soke o Del o Gazda ka pomozil man,
ta ni ka avel mange lallao,
goleke mo mui ka cherdol sargo iek barr,
ta llanav kai ni ka avav thodo ando lallao
8Pasa mande si gua kai braduil man,
¿Ko ka jalpe manchar? chidinaiva.
¿Ko dosarel man? te avel pasa mande.
9O Del o Gazda ka pomozil man,
¿Ko ka dosarel man? Saurre ka phurion
sargo e patave kai phirava,
e cherme katar e papuruga ka jan len.#Ro 8.33-34.
10¿Ko maskar tumende daral katar o Del,
ta asunel o avazi katar leko sluga?
gua kai llan ando truniariko
ta inai le villelo, trubul te uzdilpe ando Del
ta te avel le vera ande po Del.
11Sa tumen phabaren iag,
ta thoven plamekura truial tumendar,
phiren ando villelo katar tumare plamekura
kai phabarden. Me ka dav tumen gaia ezgoda:
Ande duk ka meren.
Currently Selected:
Isaias 50: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
