Isaias 52
52
O Jerusalem si te avel mukliardo
1Llungado, llungado, Sion, furiado ande zor,
thov che sukar patave, ioi Jerusalem, foro santo
soke nikada ios ni ka avel tute
llene kai ni cherde e sirkunsision
ta kai si manusa pokalime.#Apo 21.2,27.
2Chinosao katar o prajo, uste ta bes,
Jerusalem, putar chi kor katar o phandipe
phanglie chei katar o Sion.
3Soke gia phenel o Del:
pala niso avilen bichinde, goleke
bilovenchar ka aven braduime.
4Soke gia phenda o Del o Gazda:
Mo foro fulisto ando Ejipto omanglal,
te zivin kote, ta o asirio phangla le pala niso.
5A akana ¿so cherav kate phenel o Del,
a me foro inllaren le pala niso?
ta gola kai gazdarin pe lete
cheren le te auchilpe, phenel o Del
ta kusen mo anav sorro llive.#Ro 2.24.
6Goleke, ka llanen mo anav pala gaia ezgoda,
soke isto me kai dav orba, ka avav kote.
7¡Gia sukar si e porrne upral pe burdura
katar o lleno kai anel viaste vesele,
gua kai phenel katar e pas,
gua kai aven viaste lache,
gua kai phenel katar o braduipe,
gua kai phenel e Sioneke:
Cho Del charoil!#Naj 1.15; Ro 10.15; Ef 6.15.
8¡Avazi katar che llene kai prezon!
Ka vazden po avazi ta ka urkin veselimatar,
soke ka dikhen pe akhenchar
kai o Del pale irilpe ando Sion.
9Llilaben llilia kai blagosin, veselintumen,
soke o Del dia zor pe foro, o Jerusalem
avilo braduime letar.
10O Del pucharda po va angla sa e phuvia,
ta suako rig e phuviengi ka dikhel
o braduipe katar amaro Del.
11Durion, durion, ¡na dodin e ezgode pokalime!
liken latar, chiston tumen
gola kai inllaren e ezgode e Devleke.#2 Kor 6.17.
12Soke ni ka liken sigarde, ta ni ka nasen,
soke o Del ka llal angla tumende,
ta ka chidel tumen o Del katar o Israel.
Sar ka dukhadol ta sar ka dobil o sluga e Devleko
13Mo sluga ka dobil but, ka avel bariardo
ta blagosime, ta ka avel thodo but upre.
14But llene chudisaile tutar,
ni pinllardola maskar e manusa gia sar saia,
leko sukaripe ni saia sargo sa e manusengo,
15gia ka cherel te chudenpe letar but phuvia,
ka phanden po mui angla le, soke ka dikhen
so nikada ni phende lenge, ta ka acharen
so nikada ni asunde.#Ro 15.21.
Currently Selected:
Isaias 52: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
