Isaias 49
49
O sluga e Devleko si villelo e phuvienge
1Asunen man, forura pasa e mora,
forura kai sen dur. O Del ikharda man
mai anglal te biandivav,
kana sema ande me dako lli,
o Del mislisailo ande mo anav,#Jer 1.5.
2cherda me alava sargo iek churi ostri,
e senka katar leko va ucharda man
ta cherda man iek llida kai klichil,
guruda man ta arakhla man,#Ebr 4.12; Apo 1.16.
3Ta phenda mange:
Mo sluga san, Israel,
soke ande tute ka blagosiv man,
4A me phendem:
Samo gia radisardem
ta diem sa mi zor pala niso,
a mo drom si ande Devleke va
ta ande leke va si so si te del man.
5A akana dia orba o Del, kai cherda man
sar kana sema ando lli te avav leko sluga,
te cherav te irilpe lete o Jakob
ta te chidav leke e Israele
ta gia ka mol man but angla e Devleke akha,
ta murno Del ka avel mi zor,
6ta phenda:
Mange inai bari ezgoda
te ave tu mo sluga ta te chere te usten
e viche katar o Jakob, ta te thove pale pe po than
e llenen kai achile katar o Israel, i thodem tut
sargo villelo e phuvienge, te ave mo braduipe
pe suako rig katar e phuv.#Is 42.6; 60.1-3; Lk 2.32; Jn 8.12; Ech 13.47; 26.23.
7Gia phenda o Del, o Braduimari katar o Israel,
o Santo leko, gua kai ni mola le niso
ta murzina pe lete e phuvia, o sluga
katar e phuvia:
Ka dikhen e charura,
ta ka usten e mai preche llene,
ta ka den changa angla o Del, soke chacho si
o Santo katar o Israel, gua kai esvirisarda tut.
Phenen kai ka vazden pale o Jerusalem
8Gia phenda o Del:
Ando lacho vreme
asundem tut, ta ando llive katar o braduipe
pomozisardem tut ta arakhlem tut,
tu ka ave e sovlia e foroke, te vazde pale
e phuvia, te le e phuvien kai si puste,#2 Kor 6.2.
9te phene e phanglenge:
Liken,
ta golenge kai si ando truniarko:
Sikadon,
pe droma ka phiren pe char
ta pe thana vazdine ka avel tumen char.
10Ni ka nakhen ni bok ni trus,
ta ni o kham ni o tatipe ni ka chiniarel tumen,
soke gua kai si leke zalba lendar
ka sikavel lenge o drom ta ka inllarel len
kai si e paia kai liken katar e phuv.#Apo 7.16-17.
11Ta ka cherav droma sa me burdura,
ta me droma ka aven thode upre.
12Gala ka aven duratar,
ogola ka aven katar o norte
ta katar perel o kham
katar e phuv katar o Sinim.
13Blagosi llilienchar, miloso, veselisao, phuv,
urkisar ando blagosipe, burdura,
soke o Del dia zor pe foro,
ta katar pe chorre ka avel leke zao.
14A o Sion phenda:
O del mukla man
ta o Gazda bristardape mandar.
15¿Sai bristarelpe iek diskinia so maladila lake,
ta te na avel lake zao katar o minono
kai saia ande lako lli? a te bristarelape voi,
me nikada ni ka bristarav man tutar.
16Upral pe me va tu san pisime,
sa o vreme che zidura si angla mande.
17E llene kai vazden che zidura ka aven oma,
gola kai phagena ta zatrina tut ka liken tutar.
18Prezosar truial tutar ta dik:
sa gala chidinaile, avile tute.
O Del phenel:
Me dav tut mo alav,
kai sa gala llene
ka aven cho furiadipe blagosime
ta iek ezgoda sukar
sargo po fistano katar e bori.
19Soke chi phuv kai saia zatrime,
murime ta phagi, akana cherdol minoni
pala e llene kai ka zivin andre
ta gola kai phagle la ka aven tradine dur.
20Llik e chaurre kai mislia kai jasaile
ka phenen chuke ando kan:
But minono si mange gava than,
le tut te sai ziviu me andre.
21Ta ka phene tu chuke:
¿Ko cherda mange galen?
soke me achilema bi minonengi
ni saia man niko, phirava korkorre
ta chudini katar mi phuv,
¿Ko bariarda galen?
Soke man muklea korkorre, ¿Kai sea gala?#Jer 31.15-17.
22Gia phenda o Del o Gazda:
Me ka inzarav mo va karing e phuvia,
ta ka vazdav ande forura mo bariako,
ta ka anen ande pe va che minonen,
ta che diskinien ka anen len pe pe dume.
23E charura ka sikaven tut
ta i lenge charoine ka arakhen tut,
ka peraven po soro ta ka blagosin tut,
ta ka charran o prajo katar che porrne,
ta ka llane kai me sem o Del,
kai ni ka lallan gola kai uzdinpe ande mande.
24¿Ka len katar o tromano so lia vou peke?
¿Ka braduin e phangle katar o lleno bilacho?
25A gia phenel o Del:
Chachimaia o phanglo ka avel mukliardo
katar o phandipe kai dia le o lleno tromano
ta so lia peke o lleno bilacho ka lelpe letar
me ka dav orba cheres tu
golenchar kai janpe tuia
ta me ka braduiv che chaurren.#Is 61.1; Jer 30.8-10; 31.11.
26A gola kai dukhade tut
ka cherav te jan o mas katar pi esnaga
ta ka maton pe ratea sargo kana si mol,
ta suako manus ka llanel kai me sem o Del,
kai kurtuliu tut ta braduiv tut,
o zuralo katar o Jakob.
Currently Selected:
Isaias 49: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
