Isaias 4
4
1Ande gua vreme efta diskinie
ka thoven o va pe iek murus ta ka phenen:
Amen ka ja katar amaro marrno
ta ka furiadiva amare patavenchar,
samo muk te inllara cho anav
ta le amendar amaro lallao.
E sovlia kai ka mai angle llal mai sukar
2Ande gua vreme kana o Del ka cherel
te likel o zelenipe ka avel sukaripe
ta dragostia ta e septelie kai ka del,
ka aven baripe ta blagosipe
e llenenge kai ka achen llunde ando Israel.
3Ta o lleno kai ka achel ando Sion,
gole kai ka muken le ando Jerusalem,
ka ikharen le santo sa gola
kai ka aven llinde
maskar e llunde ando Jerusalem.
4Kana o del ka jalavel o melalipe
katar e chea ta kana ka chistol
o rat kai si ando Jerusalem,
ande iek duo krisako
ta ande iek duo zatrimako.
5Ta kaigo zivila manus po burdo ando Sion
ta pe thana kai chidiniaon,
ka cherel oblakura ta truniariko ollivesea
ta orachaia ka klichil o plameko katar e iag,
ta upral pe sa ka avel sargo iek chara,
6ta ollivesea va avel iek senka pala o tatipe,
ta te avel kai te gurudon
katar e balav ta o bursin.#Ek 13.21-22; 24.16; 40.34-38.
Currently Selected:
Isaias 4: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
