Isaias 48
48
O Del phenen katar e neve ezgode
1Asunen tumen, porodo katar o Jakob,
kai inllaren o anav katar o Israel,
gola kai likiste katar o pai katar o Juda,
gola kai jan sovel ando anav e Devleko,
ta kai denpe golli katar o Del e Israeleko,
a ni cheren le chachimaia ni ando chachipe,
2soke inllaren o anav katar o santo foro
ta uzdintumen ando Del katar o Israel,
leko anav si o Del kai si le sa e zor.
3So avilape, me phendem le omanglal
ta katar mo mui likisto, phendem le,
cherdem le oma ta saia chachipe.
4Me llanav kai san zuralo, kai cho soro
si sargo iek sastri, ta cho chikat tuchno,
5cherel but kai phendem le chuke,
mai anglal te avelpe me phenavale chuke,
te na phene:
Mo del cherda le, me estatue
cherde ando sastri biladino
von bichalde gala ezgode.
6Asunden ta dikhlen sa,
¿ta tumen ni phenden le nikake?
Akana ka asune ezgode neve ta gurudine
kai tu ni pinllarea.
7Akana si cherde, ni cherdile omanglal,
ni mai anglal katar gava llive,
ta na phene:
Me llanava gala ezgode.
8Gaia ezgoda nikada ni asundan la,
ta nikada ni pinllardan la,
chachimaia nikada ni putaile che kan,
soke llanava kai ni san chacho
ta kai ni ka kande, goleke cho anav si
lleno kai ni kandel sar kana sana ando lli.
9Pala o volipe kai si pe mo anav
ka pharruvav mi joli, ta pala mo blagosipe
ka terpiu la te na zatriv tut.
10Chistosardem tut, na sar chistolpe o rup,
zumadem tut ande furnava katar e duk.
11Pala ma, pala o volipe isto pe mande ka cherav le,
ta mo blagosipe ni ka dav le kai aver.#Is 48.2; Ez 20.22; 36.22-23.
O Del ka braduil pe foro
12Asun man Jakob, ta tu Israel,
kai ikhardem tut:
Isto me, me o purvo,
isto me o mai angluno.#Is 41.4; 44.6; Apo 1.17; 22.13.
13Mo va cherda i e phuv,
ta mo va o chacho llinda o miloso e cheperkoia,
kana me ikhardem len e dui avile.
14Chidiniaon saurre ta asunen.
¿Ko si maskar lende te phenel gala ezgode?
Gua kai o Del volisarda le
ka cherel pi volia ande Babilonia,
ta leko va ka avel pe kaldeura.
15Me, me diem orba, ikhardem le ta andem le,
goleke ka llal leke sukar pe leko drom.
16Aven pasa mande, asunen gaia ezgoda:
mai anglal ni diem orba po chorial,
sar kana cherdi cherdilo, kote sema me,
ta akana bichalda man o Del o Gazda,
ta leko duo.
17Gia phenda le o Del, cho Braduimari,
o Santo katar o Israel:
Me sem o Del o Gazda
kai sikavel tut pe so trubul tut,
kai inllarel tut po drom kai si te lla.
18¡Ioi, te thodana sama pe me zakonura!
Chi pas avilia sargo iek len,
ta cho chachipe sargo e valura e morake,#Dt 29.5; Sal 23.3; 27.11.
19cho porodo sargo e chisai e moraki,
nikada ni avela chindo leko anav,
ta ni ikando angla mande.#Jen 22.17.
20Liken katar e Babilonia,
nasen katar e kaldeura, phenen gaia viasta
veselimaia, phenenle inllaren gaia orba
pe suako rig ta phenen:
O Del braduisarda
pe sluga e Jakobo.#Jer 50.8; 51.6,45; Apo 18.4.
21Ni avila lenge trus kana nakhle po pusto,
cherda te likel lenge pai katar o barr,
putarda e pechina ta llele e paia.#Ek 17.1-7.
22O Del phenda:
Inai pas e bilachenge.#Is 57.21.
Currently Selected:
Isaias 48: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
