Isaias 47
47
E Babilonia jasarel
1Fulie ta bes po prajo,
chei chorrie katar e Babilonia,
bes pe phuv, inai tut trono
chorri katar e Kaldeura
soke nikada ios ni ka phenen chuke
kai san gugli ta sukar.
2Le chuke o lliu ta mor le,
chude o dikhlo kai si pe cha bal,
vazde cho fistano,
puchar che porrne ta nak katar e paia.
3Cho nangipe ka achel puchardo
ta ka dikhol cho lallao, ka pochinav chuke
ta ni iek lleno ni ka kurtulilpe.
4Amaro Braduimari o Del kai si le sa e zor
gua si leko avav, o Santo katar o Israel.
5Bes, achi, te de ando truniariko,
chei katar e kaldeura, soke nikada ios
ni ka ikharen tut rromi katar e phuvia.
6Jolailem pe mo foro, murisardem
golen kai si murne ta diem len ande che va,
a chuke ni avila zalba,
pe phure muklan te perel cho pharipe.
7Tu phenea:
Ostade ka avav e rromi.
A ni mislisailan ande gaia ezgoda,
ta ni dian tut golli katar cho son.
8Akana asun gaia ezgoda,
tu kai chere sogo mange,
tu kai bese ta si tut vera,
tu kai phene andre ande chi lio:
Me sem ta avri mandar inai ios,
ni ka achav phivli, ta ni ka llanav so si
te na aven man minone.
9Gala dui ezgode ka aven chuke
isto ande iek llive,
ka ache phivli ta ni ka aven tut minone,
gala ezgode ka peren pe tute zurale
makar cherea bare chirimate.#Apo 18.7-8.
10Soke uzdisailan ande cho bilachipe
ta phendan:
Niko ni dikhel man.
Cho bizaipe ta isto chiro llanglipe kojade tut,
ta phendan ande cho lio:
Me ta niko ios.
11Goleke ka avel pe tute o bilachipe,
kai ni ka llane sar te achave le,
ka perel pe tute e nuzda ta ni ka llane
sar te achave la, ta zatrania kai ni pinllare
ka avel pe tute kana ni ka uzdi tut.
12Achi ande che chirimate,
ta ande cho bari drabaripe,
kai thodan sa chi zor sar kana sana terni,
sai avelpe kai ka sasto, o sai ka le zor.
13Chinilan kai gachin orbe dian.
Te aven akana che orbe te pomozin tut
te aven te pomozin tut akana
gola kai dikhen po miloso,
gola kai dikhen pe cheraia,
gola kai llinen e chona
te phenen so ka avelpe tutar.
14Von ka aven sargo prajo,
e iag ka phabarel len
nasti ka nasalen po zivoto katar o plameko,
gola ni ka aven angara te taton lenchar
ta ni iek iag te besen truial.
15Gia ka aven tuia gola kai chinilan lenchar,
gola kai phirde tuia sar kana sana terni,
suako iek ka llaltar pe po drom
ta ni ka avel ko te braduil tut.#Is 13.1—14.23; Jer 50.1—51.64.
Currently Selected:
Isaias 47: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
