Isaias 41
41
O Del del po alav kai ka mukliarel e Israele
1Asunen man, tumen kai sen pasa e mora
ta len zor e forura, aven pase ta den orba
da amen orba saurre pe kris.
2¿Ko llungada katar likel o kham gole chache?
¿Ko mangla letar te llal pala le?
¿Ko dia le e phuvia ta cherda le gazda pe charura?
¿Ko mukla len sargo prajo pe jarniea?
¿Ko ikanda len pe arkoia, sargo char suki?
3Llelo pala lende bidarako
katar e droma kai nikada ni nakhlea.
4¿Ko cherda gaia ezgoda?
¿Ko ikharel e porodo sar kana saia mai anglal?
Me o Del, kai sema ta kai ka avav ostade.#Is 43.10; 44.6; Apo 1.8,17; 22.13.
5E phuvia pe mora dikhle ta daralie,
e phuvia kai si mai dur izdraie daratar,
chidinaile ta avile.
6Suako iek pomozisarda gole kai zivila pase,
ta phenda pe phlaleke:
De tut zor.
7Gua kai cherela ezgode kastune dela zor
gole kai chere ezgode rupune,
gua kai ortola e chokanoia gole kai marela po dopo,
ta phenena:
Lachi si e kolis,
ta kafrosarda te na miskolpe.
8A tu Israel, san mo sluga,
tu Jakob, tut esvirisardem,
porodo katar o Abraam mo amal.#2 Kr 20.7; Stg 2.23.
9Soke liem tut katar si e phuvia mai dur,
katar e phuvia kai si but dur ikhardem tut,
ta phendem chuke:
Tu san mo sluga,
esvirisardem tut ta ni chudiem tut.
10Na dara soke me sem tuia,
na jasar e zor, soke me sem cho Del
ka dav tut zor, suako drom ka pomoziu tut
me vastea o chacho katar o chachipe.
11Sa gola kai joliaon pe tute
ka achen ando lallao
ta ni ka llanen so ka cheren,
ka aven sargo niso ta ka meren
gola kai marenpe tuia.
12Ka rode golen kai marenpe tuia,
ta ni ka malave len, ka aven sargo niso,
gola kai roden te aven ando maripe tuia,
ka aven sargo iek ezgoda kai inai.
13Soke me o Gazda sem cho Del,
kai istarel tut katar cho va o chacho,
ta phenel chuke:
Na dara me pomoziu tut.
14Na dara chermo katar o Jakob,
tumen kai sen cherricha katar o Israel,
me ka pomoziu tumen, o Del phenenle,
o Santo katar o Israel si cho braduimari.
15Me cherdem te ave sargo iek trillo,
iek trillo nevo, pherdo danda ta lea ka
ka nakhe lea pe burdura ta ka drobo len,
ta e burdura ka achen sargo prajo.
16Ka chude len upre ta ka inllarel len e balav,
ta ka rispil len e balav, a tu ka veseli tut
ando Del, ka chere baripe
ando Santo katar o Israel.
17E chorre ta e dukhade roden e paia,
ta ni malaven len, lengi chib sukili trusatar,
Me o Del ka asunav len,
me o Del katar o Israel
ni ka mukav len korkorre.
18Chak upral ka putarav e paia,
ta katar e umalia ka likel o pai,
po pusto ka chidiniaol o pai,
ta ka jutel o pai katar e phuv suki.#Is 35.6-8; 43.19-20; 44.3-4.
19Ka cherav te barion po pusto
iek katar suako kas.
20Te sai dikhen ta te pinllaren, te prezon
ta te acharen sa e llene, kai o va e Devleko
cherel gala ezgode ta
kai o Santo katar o Israel cherda le.
O Del chikil e delen kojamnen
21Marentumen pala tumaro chachipe,
phenel o Del, chacharen tumen,
phenel o Charo katar o Jakob.
22Aven, phena amenge so si te avelpe,
phenen amenge so avilape chak omanglal,
ta ka misli amen ande goia ezgoda,
o sikaven amenge so ka avel mai angle te sai llana le.
23Sikaven amenge sar ka avelpe mapalal,
ta sai llana kai tumen sen dela,
te llana kai cheren o lachipe, o o bilachipe,
te sai avel amen so te phena, ta te chudiamen.
24Tumen ni sen niso ta e ezgode kai cheren
ni mol len niso, pherdo bilachipe si gua
kai esvirisarda tumen.#Jer 10.5.
25Vazdiam iekhe katar o norte, ta ka avel,
ka molilpe mange katar likel o kham,
ta ka ustavel e gazden tala pe porrne
sargo glibo kai ustavel gua kai radil e chik.
26¿Ko phenda le omanglal, te sai llana,
o ko phenda le mai anglal te phena kai
si chachipe? chachimaia niko ni phenda le
ta niko ni sikada,
ta niko ni asunda tumare alava.
27Me sema o purvo lleno
kai sikada gala ezgode ando Sion,
ta ando Jerusalem ka phenav e veseli viasta.
28Dikhlem, ta ni saia niko, ta puchlem,
katar gala ezgode, ta ni saia iek lleno kai sikavel,
puchlem len ta ni saia ko te phenel mange iek alav.
29Saurre ni mol len niso,
ta e ezgode kai cheren inai niso,
lenge slike kai si sargo balav ni mol len niso.
Currently Selected:
Isaias 41: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
