Popular Bible Verses from Isaias 41

Share

Na dara soke me sem tuia, na jasar e zor, soke me sem cho Del ka dav tut zor, suako drom ka pomoziu tut me vastea o chacho katar o chachipe.

Soke me o Gazda sem cho Del, kai istarel tut katar cho va o chacho, ta phenel chuke: Na dara me pomoziu tut.

Sa gola kai joliaon pe tute ka achen ando lallao ta ni ka llanen so ka cheren, ka aven sargo niso ta ka meren gola kai marenpe tuia.

Soke liem tut katar si e phuvia mai dur, katar e phuvia kai si but dur ikhardem tut, ta phendem chuke: Tu san mo sluga, esvirisardem tut ta ni chudiem tut.

Ka rode golen kai marenpe tuia, ta ni ka malave len, ka aven sargo niso, gola kai roden te aven ando maripe tuia, ka aven sargo iek ezgoda kai inai.

Na dara chermo katar o Jakob, tumen kai sen cherricha katar o Israel, me ka pomoziu tumen, o Del phenenle, o Santo katar o Israel si cho braduimari.

A tu Israel, san mo sluga, tu Jakob, tut esvirisardem, porodo katar o Abraam mo amal.

Chak upral ka putarav e paia, ta katar e umalia ka likel o pai, po pusto ka chidiniaol o pai, ta ka jutel o pai katar e phuv suki.

E chorre ta e dukhade roden e paia, ta ni malaven len, lengi chib sukili trusatar, Me o Del ka asunav len, me o Del katar o Israel ni ka mukav len korkorre.

¿Ko cherda gaia ezgoda? ¿Ko ikharel e porodo sar kana saia mai anglal? Me o Del, kai sema ta kai ka avav ostade.

Ka cherav te barion po pusto iek katar suako kas. Te sai dikhen ta te pinllaren, te prezon ta te acharen sa e llene, kai o va e Devleko cherel gala ezgode ta kai o Santo katar o Israel cherda le.