Isaias 3
3
E duk kai lel o Juda ta o Jerusalem
1¡Thoven sama! O Del kai si le sa e zor
ka lel katar o Jerusalem ta katar o Juda
e zor ta so trubul len, ka lel lendar
sa o marrno ta o pai,
2ta e llene zurale, ka lel lendar o krisari
ta o profeta, gua kai apogodil ta e phure,
3gole kai gazdaril pe pinda
ta e llene kai si len liubao, o glamno lleno
kai cherel ezgode pe vastenchar
ta gole kai llanel te del orba e llenenge.
4Ka thovav lenge charura e ternen
ta e chaurre ka aven lenge gazda.
5Ta ka avel silnope maskar e llene
ka marenpe e llenenchar kai zivin pasa lende,
o terno ka marelpe e phurea,
ta o chudino ka marelpe e barvalea.
6Kana vareko istarela e vastetar pe phlale,
katar e familia pe dadeki ta phenela lake:
sukar furiado san, tu ka ave amaro glamno
le ande che va ta dik tu katar gava phagipe,
7Vou ka jal sovel ande gua llive ta ka phenel:
me ni ka dikhav katar gala ezgode,
soke ande mo cher inai ni marrno
ni patave, na cheren man gazda katar o foro.
8Soke o Jerusalem si sa phago
ta o Juda pelotar,
soke die orba ta cherde ezgode bilache
karing o Del amaro charo ta cherde le te joliaol.
9Lengo mui dosarel len,
soke sikaven po bilachipe sargo e Sodoma,
ta ni cherenpe. ¡Tesko katar lengo zivoto!
soke chidie upral pe pete o bilachipe.#Jen 19.4-5; Is 1.9.
10Phenen e chacheke kai ka llal lake sukar,
soke ka jal katar e ezgode kai cherel.
11¡A tesko e bilacheke! ka llal leke bilache,
soke ka avel leke pochindo prema so cherel.
12E dusmanura me foroke si but, ta diskinie
cherdile gazda letar. Foro kai san murno,
gola kai inllaren tut angle kojaven tut
ta bangaren che droma.
13O Del ka chinel krisil
ta thodape pe po than te krisil e foronen.#Mik 6.2.
14O Del ka chinel kris
pe phure katar leko foro
ta pe llene kai gazdarin,
soke tumen jalen sa e drakha,
ta e ezgode katar e chorre
si ande tumare chera.#Is 5.1-7.
15¿So phenen tumen kai drobon me foro
ta ustaven o mui katar e chorre?
Gava phenenle o Del kai si le sa e zor.
E duk katar e diskinie katar o Jerusalem
16O Del phenel gia:
Soke e chea katar o Juda istardon
ta vazden pi korr chak upre
ta dikhen bilachimaia, kana phiren
llan chelindo ta marenpe porrne pe phuv,
17goleke o Del ka chinel e bal katar e chea
katar o Sion, ta ka sikavel lengo lallao.
18Ande gua llive o Del ka lel lendar
e sukar ezgode kai thoven pe pe porrne,
e mreziche ta e chonorra,
19e sinlliria ta e chea ta e kore,
20o fuladipe, o furiadipe kai llal pe porrne
e kanglia kai llan pe bal,
e pamukura merisoke ta e cheorra,
21e angrusta ta e chea kai llan po nak,
22e fistanura kuch, e dikhle,
e gertacha, e kisa,
23e geldale, e patave kuch,
e bare dikhle ta e ta e gertacha.
24Po than katar o meriso sukar
ka avel e para,
ta iek solo po than katar o kavisi
ta o soro jalo po than katar e sukar bal,
po than katar glamne patave,
e patave prajale
ta o phabardipe po than katar o sukaripe.
25Che murusa ka meren po jarni
ta chi zor po maripe ka perel
kana ka lla te mare tut.
26Pe lenge udara ka avel e zalba ta o zalosno
ni ka avel la niko ta ka achel pusti.#Jer 14.2; Lm 1.4.
Currently Selected:
Isaias 3: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
