Isaias 39
39
Aven kai o Ezekias e bichalde katar e Babilonia
2 R 20.12-19; 2 Kr 32.27-31
1Ande gola llivesa o Merodak Baladan chavo katar o Baladan charo katar e Babilonia, bichalda lila ta ezgode kai o Ezekias, soke llanglaia kai saia nasualo, ta kai sastiloia. 2Ta o Ezekias veselisailo lenchar, ta sikada lenge o cher kai guruvel po barvalipe, rup ta sunakai, meriso, zeitinura kuch sa o cher kai si andre e ezgode kai llan te marenpe lenchar, ta sa o barvalipe kai saia le, ni saia niso ande leko cher ta ni ande sa so gazdarila kai ni sikada lenge o Ezekias. 3Ondaka o profeta o Isaias avilo kai o charo Ezekias ta phenda leke:
¿So phenen gala llene? ¿Ta katar avile tute?
A o Ezekias phenda leke:
Von aven but duratar, katar aver phuv avile mande, katar e Babilonia.
4Ondaka o Isaias phenda:
¿So dikhle ande cho cher?
A o Ezekias phenda:
Von dikhle sa so si ande mo cher, ta sa mo barvalipe von dikhle le.
5Ondaka o Isaias phenda e Ezekiaseke: 6Ka aven llivesa kai ka inllaren ande Babilonia sa so si ande cho cher, katar sa so chidie che purane llik allive, ni ka achel niso, gia phenel le o Del. 7Ta nesaven katar che chaurre, ka cheren len eunukura ando cher e charoko.#2 R 24.10-16; 2 Kr 36.10; Dn 1.1-7.
8Ta o Ezekias phenda e Isaiaseke:
Sukar si e alava e Devleke kai andan samo te avel pas ta te na avel dar ande llivesa kai ka ziviu.
Currently Selected:
Isaias 39: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
