Isaias 35
35
O foro irilpe ando Sion
1Ka veselilpe o pusto ta o sukipe,
ta pe umal kai saia suki
ka barion e septelie ta e lulunlla.
2Ka pherdol lulunlla ta ka veselilpe
ta ka llilabel veselimaia,
o blagosipe katar o Libano ka avel lake dino,
o sukaripe katar o Karmelo ta o Saron.
Von ka dikhen o blagosipe e Devleko,
o sukaripe katar amaro Del.
3Zuriaven e va kai sea chinie,
chapenin e porrne kai sea kovle.#Ebr 12.12.
4Phenen golenge kai daral lengo lio:
¡Den tumen zor, na daran!
Etalo tumaro Del avel te pochinel,
isto o Del ka avel ta ka braduil tumen.
5Ondaka e akha e korrenge ka dikhen,
ta ka putaon e kan katar e kasuke.
6Ondaka e bange ka juten sargo iek siervo
ta o nemao ka llilabel,
soke ka anaven e phuv po pusto
ta ka llal o pai pe umalia suke.#Mt 11.5; Lk 7.22.
7Po than suko ka chidiniaol o pai,
po sukipe ka aven paia,
kote kai zivina e llukela dive, kote kai gurudona
ka barion e kasta ta e patra.
8Kote ka avel katar te phire, ka avel iek drom
ta ka ikhardol o Drom Santo,
pe lete ni ka nakhel o lleno pokalime
soke isto vou ka avel lenchar,
ko ka llal pe gava drom,
i mai dilo te avel ni ka jasaol nikada.
9Pe gua drom ni ka aven lionura,
ta ni ka pheren pe lete e zivirinie dive,
kotar ka phiren e llene braduime.
10Ta e braduime e Devleke ka irinpe,
ta ka aven ando Sion veselimaia,
ta e veselia ka avel ostade pe lende,
ta ka avel lenge dragostia ta veselia,
e zalba ta o roipe ka nasen.#Is 51.11.
Currently Selected:
Isaias 35: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
