Isaias 34
34
E joli e Devleki po Edom
1Aven pase, phuvialen, thoven tumen pase
te asunen, a tumen forura, asunen.
Te asunel e phuv ta sa so si ande late,
ta sa o bariol pe late.
2Soke o Del si joliariko pe sa e phuvia,
ta si silno pe sa lake boñikura,
ka zatril len ta ka del len kai o mundaripe.
3Ta e mule katar lenge phuvia ka aven chudine,
ta lenge esnage ka khanden
ta e burdura ka bilaon pala lengo rat.
4Sa e cheraia katar o miloso ka bilaon,
ta ka ulilpe o miloso sargo iek lil,
ta ka peren sa leke cheraia,
gia sar peren e patra katar e drak,
ta e patra katar o kas e simochinengo.#Apo 6.13-14.
5Soke ando miloso ka matol mo jarni,
Ka fuliel po Edom e kris,
po foro chinado te zatriv le.
6O Jarni e Devleko si sa makhlo
ande khoi ta rat e bakrengo ta busnengo,
ande khoi katar e bubreskura katar
e bakre e burdoke,
soke e Devle si le kurbanura ande Bosra
ta baro mundaripe ande phuv katar o Edom.
7Ta lenchar ka mundardon guruva dive
ta guruva ta goia phuv ka matol katar o rat
ta o prajo ka achel sa makhlo ando khoi.
8Soke avilo o vreme kai o Del ikanel pi duk,
burs kai o Del pochinel ando maripe katar o Sion.
9Ta leke paia ka cherdon turkali,
ta leko prajo asufre,
ta leki phuv ka cherdol turkali kai phabol.
10Ni ka merel ni orachaia ni ollivesea,
o thuv ka llal upre ostade,
vicha pala e vicha ka avel zatrime,
nikada ni ka nakhel niko latar.#Apo 14.11; 19.3.
11O pelikano ka gazdaril pe late ta o eriso,
o puaucho ta o kuervo ka zivin kote,
ta ka thoven pe late iek solo kai zatril
ta ka mukel la orta sargo o pusto.#Jen 1.2.
12Ka thoven o anav katar e glamne llene,
glamne kai inai len charoina,
ta sa lenge llene bare ni ka aven niso.
13Ande lenge glamne chera
ka barion e kasta karrnale, e char ta e karrne,
ka aven ande lenge glamne chera,
kote ka zivin e llukela dive ta ande bar katar o cher
ka zivin e minone katar e avestruse.
14E zivirinie dive ta e iena ka maladon
ta o busne ka basen pe ogola busne,
i o puaucho ka avel le iek than kote
ta ka achel te besel esmiro.
15Kote ka cherel peke kuibo o puaucho,
ta ka ikanel pe minonen ta ka chidel len
telal katar pe pakha,
ta ka chidiniaon e chiriklia kai jan mas
suako iek pe diskiniaia.
16Roden o lil e Devleko, ta chitin dal si sa,
ni iek ni achilo avri pe diskiniaia,
soke vou phenda le, ta chidia len isto leko duo.
17Ta suakoneke llinda iekhe solea
ta dia iek umal te gazdarin la ostade,
vicha pala e vicha ka zivin kote.
Currently Selected:
Isaias 34: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
