Isaias 33
33
E vera ando Del
1¡Tesko chuke kai chore ta nikada ni chorde tut,
kai chere o kojaipe ta niko ni kojada tut!
Kana ka geto o choripe, ka choren tut,
ta kana ka geto cho kojaipe, ka kojaven tut.
2Devla, te avel chuke zalba amendar,
tut adurichardam, tu te ave amaro va thiarinako,
te ave amaro braduipe ando vreme bilacho.
3E forura nasle kana asunde o girmipe,
e phuvia rispisaile kana tu ustilan.
4So ka achel lendar ka avel chidino
sargo kana chidenpe e cherme katar e papuruge
gia sar llan e langoste katar iek rig pe aver.
5O Del ka avel blagosime, kai zivil ando miloso,
cherda te avel o Sion pherdo ortope ta chachipe.
6Ta ande cho vreme ka avel llanglipe ta bizaipe,
ta ka avel but braduipe,
ta e dar katar o del ka avel o barvalipe e foroko.
7Leke bichalde ka urkin avri,
e poraukura katar e pas ka roven zurale.
8E droma achile puste, inai ni iek lleno te phirel
phagla o alav, murzisarda pe forura
ni thoven sama nikake.
9Cherdilo zalosno, e phuv nasuaili,
o Libano lallailo ta avilo chindo,
o Saron cherdilo sargo pusto
ta o Basan ta o Karmelo chinosarde len.
10O Del phenel:
Akana ka ustav,
akana ka avav blagosime,
akana ka avav bariardo.
11Sogo mangen te cheren si sargo char suki,
ka phurdav pe tumende
ta sargo iag ka phabarel tumen.
12Ta e phuvia ka aven sargo prajo iagako,
sargo kasta karrnale ka aven chinde ta phabarde.
13Asunen, gola kai sen dur, so cherdem,
a tumen kai sen pase, pinllaren mi zor.
14E llene bilache chudisaile ando Sion,
bari dar avila e kojamnenge.
¿Savo lleno maskar amende sai zivil ande iag
kai phabarel sa? ¿Savo lleno maskar amende
sai avel ando plamekoia kai ni meren nikada?
15O lleno kai phirel ando chachipe
ta phenel so si chacho,
gua kai ni kamel o chari kai lelpe silnomaia,
gua kai chinol pe va katar o chari kojaimako,
gia kai phandel pe kan te na asunel
kana den orba katar o mundaripe
gua kai phandel pe akha de na dikhel o bilachipe,#Sal 15.2-5; 24.3-5.
16gua lleno ka zivil chak upre,
zido barrustuno ka avel leko than kai gurudol,
ka avel leke dino leko marrno ta ka avel le pai.
17Che akha ka dikhen e Charo te leko sukaripe,
ka dikhen e phuv kai si dur.
18Ka misli tut ande cho lio e dar, ta ka phene:
¿Kaitalo o lleno kai pisil?
¿Kaitalo o lleno kai chidela e love e foroke?
¿Kaitalo o lleno kai llinela e chera?
19Ni ka dikhe ios gole foro kai istardol,
gua foro kai nasti acharea so phenel,
goia chib nemavi kai ni acharea lake.
20Dik po Sion, foro katar amare glamne slave,
che akha ka dikhen po Jerusalem, than esmiro,
chara kai ni ka avel peradini,
ta kai ni ka aven ikande lake chile,
ta ni ka avel chindi ni iek katar lake chlodoria.
21Soke chachimaia o Del ka avel amenchar
glamno, sargo iek than kai nakhen bare paia,
ta ni nakhen llimie kai e llene cheren len te
llan, ta ni ka nakhen bare llimie.
22Soke o Del si amaro krisari,
o Del si amaro Gazda,
o Del si amaro Charo, vou ka braduil amen.
23Che sole mukliardile ni istaren o kas,
ta ni chapenisarde o chiti e balaviake,
ondaka ka fuladol but chari katar so achila,
i gola kai langan ka len katar o chari.
24Niko ando foro ni ka phenel:
Nasualo sem,
kogo ka zivil ando Sion o Del ka prostil lengi dos.
Currently Selected:
Isaias 33: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
