Isaias 31
31
E joli pe gola kai roden te pomozil len o Ejipto
1¡Tesko golenge kai uzdinpe
ande pe but gra ta bordona kai si len
ta ande zor katar gola kai llan pe gra
ta ni dikhen po Santo katar o Israel,
ta kai ni roden e Devle!
2A i vou si bizai ta ka anel o bilachipe,
ta ni ka phagel pe alava.
Ka vazdiniaol pe llene bilache
ta po pomozipe katar gola kai cheren o bilachipe.
3A e ejipsiura si manusa, inai dela,
ta lenge gra si mas, inai duo,
goleke kana o Del ka inzarel po va,
ka perel gua kai pomozil
ta i gua kai si pomozime ta saurre ka peren.#Pr 21.31; Is 30.1-5; 30.16; Os 1.7.
4Soke o Del phenda mange gia:
Gia sar o liono ta o liono minono
basen pe zivirinia kai si te jan,
ta te chidiniaon but chobanura pe lete,
ni ka daral katar lengo avazi,
ta ni daral kai von si but,
isto gia o Del ka si lle sa e zor ka fuliel
te marelpe po burdo katar o Sion, ta pe leki umal.
5Sargo e chiriklia kai furian,
ka arakhel e boñikonen katar o Jerusalem,
ka arakhel len, ka mukliarel len ta ka braduil len.
6Irin tumen golete kai maren tumen lea zurale
e chave katar o Israel.
7Soke ande gua llive o manus ka chudel pe delen
kai si cherde katar o sunakai ta o rup,
kai cherden len tumenge tumare bilache vastenchar.
8Ondaka ka peravel e Asiria iek jarni
kai inai muruseko ta ka zatril la iek jarni
kai inai manuseko ta ka nasel katar gua jarni
ta lake llene terne ka radin pe zor.
9Lenge sudura ka nasen daratar
ta i e llene kai sea lengi zor,
ta ka muken chudine pe bariakura,
gia phenel le o Del, kai leki iag si ando Sion
ta leki furnava si ando Jerusalem.
Currently Selected:
Isaias 31: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
