Isaias 2
2
O Del ka cherel te avel e pas maskar e phuvia
Mik 4.1-3
1Gala si e ezgode kai o Isaias chavo katar o Amos, dikhla katar o Juda ta katar o Jerusalem.
2Ande llivesa kai ka aven mai angle,
ka avel thodo o burdo katar o cher e Devleko
upral pe burdura, ta ka avel blagosime
pe burdura ta ka prasten lete sa e phuvia.
3Ta ka aven but phuvia ta ka phenen:
lika po burdo e Devleko, kai o cher
katar o Del e Jakobeko,
ta ka sikavel amen pe droma
ta ka phira pe leke droma.
Soke katar o Son ka likel o zakono,
ta katar o Jerusalem o alav e Devleko.#Is 56.6-7; Zak 8.20-22.
4Ta ka krisil maskar e phuvia
ta ka del pe but phuvia,
ta lenge jarnia ka cherel len sastri
kai putaren lea e phuv, ta lenge lanse
ka cherel len churia bangarde kai chinen o lliu,
ni ka marenpe e jarnienchar phuv phuviaia,
ta ni ka sikon ios te marenpe.#Jl 3.10.
5Aven tumen kai sen o foro katar o Jakob
ta phira po villelo e Devleko.
E duk katar e barikane
6Tu muklan che foro, o cher katar o Jakob
soke sen pherde katar o sikadipe
kai anden katar e forura kai perel o kham
ta katar e llene chirimatarke sargo e filisteura
kai cheren arli e llenenchar katar aver phuvia.#Lv 20.27; Dt 18.10-11.
7Lengi phuv si pherdi rup ta sunakai
lengo barvalipe si billindo.
Ta lengi phuv si pherdi gra
ta lenge bordona si billinde.
8Ta lengi phuv si pherdi dela,
ta den changenchar
angla e ezgode kai von cherde
ta angla so von cherde pe vastenchar.
9E manusa bangile
ta e llene achile ando lallao,
goleke na prostisar len.
10Thou tut maskar e barra, gurudo ando prajo,
te na ave pasa e dar e Devleki
ta pasa leko glamno villelo.#2 Ts 1.9; Apo 6.15.
11O baripe katar e akha e manuseke
ka aven zatrime
ta e barikane ka aven thode ando lallao,
ta samo o Del ka avel blagosime ande gua llive.
12Soke o llive katar o Del kai si le sa e zor
ka avel pe sa e barikane ta pe gola kai istardon,
pe sa e gola kai cheren baripe ta ka aven zatrime,
13pe suako kas katar o sedro kai si ando Libano
ta pe sa e kas katar e ensina kai si ando Basan,
14pe sa e bare burdura
ta pe suako burdo vazdino,
15pe suako cher baro
ta pe suako zido baro,
16pe suako llimia
ta pe suako llimia kuch.
17O baripe e manuseko ka avel zatrime
ta e llene barikane ka aven thode ando lallao,
ta samo o Del ka avel blagosime ande gua llive.
18Ta ka ikanel sa e delen.
19Ta ka urrinpe maskar e barra
ta ando putardipe katar e phuv,
katar e dar e Devleki,
ta katar leko blagosipe kai klichil,
kana ka thovelpe pe porrne te dukhavel e phuvia.
20Ande gua llive o manus ka chudel kai
e misiakura kai llan telal katar e phuv
ta kai misiakura kai furian
pe dela rupune ta pe dela sunakune
kai vou cherda te blagosin len,
21ta ka urrilpe ando putardipe katar e zidura
ta maskar e barra kai si putarde,
pala o glamno Del, ta pala leko glamno klichipe,
kana ka thovelpe pe porrne te dukhavel e phuvia.
22Na uzdisao ios ando manus
kai te na disil merel, soke ¿so mol le?
Currently Selected:
Isaias 2: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
