Isaias 29
29
1¡Tesko katar o Ariel foro kai o David
zivisarda kote! Thoven iek burs ios pe aver,
ta te llan angle tumare slave.
2A me ka thovav ande nuzda e foro o Ariel,
ka roven ta ka kukin,
gua foro ka avel mange sargo Ariel.
3Soke ka avav te marav man tuia
ta ka inzarav me chare truial tutar
ta ka mukav sa lachardo te marav man tuia.
4Ondaka ka ache ando lallao,
ka de orba katar e chik,
ta chi orba ka likel katar o prajo
ta cho avazi ka likel katar e chik sargo iek chojano
ta chi orba ka asundol poloke katar o prajo.
5Ta che dusmanura ka aven but,
sargo o prajo thulo ta che llene silne
ka aven sargo iek umpa bal kai nakhel,
ta gua ka avelpe kana ni uzdinpe.
6O Del kai si le sa e zor ka avel tute
ta ka asundol o girmipe ta ka dermolpe e phuv
ta ka asundol zurale, ka avel iek bari balav
ta plameko iagako kai phabarel sa.
7Ta ka aven sargo iek suno ande riat
e but phuvia kai ka marenpe e Arielea,
ta sa gola kai marenpe lea
ta kai lacharde pe ezgode te marenpe,
ta gola kai thoven le ande nuzda.
8Ta ka avel lenge sargo kana si bokhale
ta dikhen iek suno kai jan, a kana usten
lengo lli si chucho,
ta sargo gua kai si trusalo ta dikhel iek suno
kai piel pai, a kana ustel acharel pe chinio
ta trusalo, isto gia ka aven sa phuvia
kai ka marenpe e burdoia katar o Sion.
9Achen ta chuden tumen, korraon pala o chudo,
maton bi moliaia, lulin tumen bi rachiaia.
10Soke o Del mukliarda pe tumende
o duo katar e lindri ta phangla e akha
katar tumare poraukura, ta thoda iek chiti
pe sore katar tumare llene kai apogodin.#Ro 11.8.
11Ta suako ezgoda dini tumenge te dikhen
ka avel sargo iek lil kai pe lete si iek sello,
kai te dien le kai gua kai llanel te chitil
ta te phenden leke chitisar, ka phenel,
nasti soke si pe lete iek sello.
12A te dien o lil kai gua kai ni llanel te chitil,
ka phenel:
Ni llanav te chitiv.
13O Del phenel gia:
Soke gava foro avel pasa ma pe alavenchar,
ta pe orbenchar blagosin man,
a lengo lio si dur mandar
ta e dar kai si lenge mandar
si samo iek zakono manusengo kai sikade len.#Mt 15.5-9; Mk 7.6-7.
14Goleke, ka cherav te chudenpe pale
pala iek bari ezgoda ta darani kai ka cherav,
soke ka jasaol o llanglipe katar lenge bizai,
ta ka merel o bizaipe katar gola kai llanen.#1 Kor 1.19.
15¡Tesko golenge kai gurudon e Devletar,
ta ucharen o sikadipe, ta cheren e ezgode
ando truniariko! Ta i phenen:
¿Ko dikhel pe amende ta ko pinllarel amen?
16Tumaro bilachipe ka avel asundo
sargo e chik katar o lleno kai cherel piria.
¿Sai phenel iek ezgoda cherdi
goleke kai cherdala:
Tu ni cherdan man?
¿Sai phenel e piri goleke kai cherda la:
tu ni llanea so chere?#Is 45.9; Jer 18.1-6; Ro 9.20-21.
E sovlia katar o braduipe e Israeleke
17Ande cherricha vreme o Libano ka zelenil,
ta e umal zeleni ka dikhol sargo iek vos.#Is 32.15.
18Kana ka avel gua llive,
e kasuke ka asunen e alava katar o lil,
ta e akha katar e korre
ka dikhen ando mai baro truniariko.
19E chorre ka veselinpe ando Del
llik e llene mai proste ka veselilpe
pala o Santo katar o Israel.
20Soke o silno ka avel zatrime,
ta o bilacho ni ka avel ios, sa gola kai ni soven
te cheren o bilachipe ka aven zatrime,
21gola kai muken ando bilachipe avere
pe alavenchar, gola kai thoven iek kojaipe
golenge kai den orba pe kris,
gola kai murin e orba katar o lleno chacho
alavenchar kai ni mol len niso.
22Goleke o Del kai braduisarda e Abraame,
phenel gia e chereke katar o Jakob:
Ni ka avel thodo ios ando lallao o Jakob,
ta ni ka loliol leko mui,
23soke kana leko porodo ka dikhel
so ka cherav maskar lende,
ka blagosin mo anav,
ka blagosin gole kai si Santo katar o Jakob
ta ka daran katar o Del e Israeleko.
24Ta gola kai ni llanen kai ka llan
ka sikon o bizaipe
ta gola kai dena bilache orbe mandar
ka llanen o sikadipe.
Currently Selected:
Isaias 29: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
