Isaias 28
28
Te arakhelpe e Samaria
1¡Tesko e korona e Samariake
kai si o baripe katar e matarne ando Efrain
ta katar e lulunllin suki katar o sukaripe
katar leko baripe, kai si pe umal e llundi
katar gola kai si zalime e moliatar!
2E Devle si le iek si zuralo ta gazdaril,
sargo balav pherdi krupe ta sargo
balav kai zalil, sargo bare paia kai liken avri
ta kai zoriaia peraven pe phuv.
3Ustadi ka avel e korona katar o baripe
e matarnengo katar o Efrain.
4Ta ka avel sargo e lulunllin suki
katar o sukaripe katar leko baripe
kai si pe umal e llundi,
sargo e purvo simochina
kai likel ando milai
ta samo dikhel la vareko,
lel la ande pe va ta jal la.
5Ande gua llive o Del kai si le sa e zor
ka avel sargo korona barimaki
sargo iek lachardipe
e llenenge kai achile katar leko foro,
6ta ka avel duo krisako
goleke kai ka besel pe kris,
ta zor golenge kai marelpe po udar e foroko.
Te arakhelpe ta iek alav dino pala o Jerusalem
7A i gala cherde o bilachipe pala e mol,
ta e rachia diliarda len, o popo ta profeta
cherde o bilachipe pala e rachia,
diliarda len e mol, zalisaile e rachiaia
kojadile kana dikhle o suno
ta eskombaie pe kris.
8Soke sa lenge siñe si pherdo chadipe
ta gadope ta ni achel ni iek than chisto.
9¿Ka sai sikadol o bizaipe,
o ka sai chere te acharel o sikadipe?
¿Ni te avilea minone kai pien kolin?
10Soke zakono pala o zakono,
sargo kana iakom sikon te chitin,
11soke gava foro ka del orba
sargo kana del orba iek nemao,
ande iek chib kai ni pinllarel niko,
12a vou phenda lenge:
Kate si esmiro, achen te len peke zor e chinie.
Gava si o esmiro. A von ni kamle.#1 Kor 14.21.
13Goleke o Del ka del lenchar orba
sargo kana si minone kai iakom sikon te chitin.
Ta kana ka phiren ka peren e zeenchar,
ka dukhavenpe, ka peren ando kojaipe
ta ka achen phangle.
14Goleke asunen so phenel tumenge o Del,
tumen kai kojaven, kai gazdarin pe gava foro
kai si ando o Jerusalem.
15Soke phenden:
Sovel jalam e merimake,
ta diam amaro alav e limoreke,
kana ka nakhel e bari balav katar e duk,
ni ka resel amende, soke gurudilam
ando kojaipe,
ta gurudilam ande so inai chachipe,
16Goleke o Del phenel gia:
Me thodem ando Sion e ezgoda mai preche,
iek barr, zumado, kai llal thodi orta, lachi
kai si thodi ande phuv ta ni miskolpe,
ko ka pachal, te na sigarel.#Sal 118.22-23; Ro 9.33; 10.11; 1 P 2.6.
17Ka ortou mi iekhe solea,
ka cherav te achel orta mo chachipe.
Ka cherav te zatrin e krupe
o than kai gurudol o kojaipe
ta o pai ka inllarel lengo gurudipe.
18Ka phagon e sovel kai jalen e merimake
ta o alav kai dien e limoreke ni ka avel zuralo,
kana ka nakhel e bari balav katar e duk,
ka nakhel pe tumende ta ka ustavel tumen.
19Kanago ka nakhel, ka chirdel tumen,
soke thiarin pala e thiarin ka nakhel,
orachaia a ollivesea,
samo ka asunen le ka izdran daratar.
20O kerveto ka achel minono ko mangela te inzol
ta o chiti ni ka resel te ucharel.
21Soke o Del ka vazdiniaol sargo o burdo Perasim,
ta ka joliaol sargo e umal katar o Gabaon
ta so ka cherel o Del ni ka pinllaren le
ta ni ka llanen so si gua kai cherel.#Jos 10.10-12; 2 S 5.20; 1 Kr 14.11.
22Goleke, na maren espurnia,
te na chichidiniaol ios tumaro phandipe,
soke asundem katar o Del kai si le sa e zor,
kai si chinadi zatrania pe sa o sueto.
23Prezosaren ta asunen mo avazi,
ta asunen mi orba.
24Gua kai saia ostade,
¿ka radil e phuv sorro llive?
¿ka phagel e barra chikake?
25Kana ortosarel e phuv, ¿ni chudel o eneldo,
thovel ande phuv o komino,
thovel o lliu ande sivke ta e sebada pe po than,
ta e avena pe rig kai trubul?
26Soke leko Del sikavel le
ta sikavel leke so si orta,
27soke kana o eneldo ni ustadol
ta ni nakhadol o tochko katar o bordon pe lete,
soke iekhe kastea chinolpe o eneldo
ta iekhe raniaia o komino.
28O lliu ustadol, a ni ustadol but,
ustavel le o tochko e katar leko bordon,
ta fulavel e kuchorra katar e patra suke
ta ni drobol e kuchorra.
29I gala ezgode sikada len
o Del kai si le sa e zor, te sai avel glamno
o sikadipe ta te bariol o bizaipe.
Currently Selected:
Isaias 28: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
