Isaias 27
27
Mukliardol o Israel
1Ande gua llive o Del ka po jarniea
kai si baro ta si le zor ta ka dukhavel
e Leviatane kai si iek sape ka llal zurale,
e Leviatane kai si sap bangardo,
ta ka mundarel e iagartane kai si pe mora.#Job 3.8; 41.1; Sal 74.14; 104.26.
2Ande gua llive llilaben katar e mol loli.
3Ta o Del arakhla la,
suako vreme ka chudav pai pe late,
ka arakhav la orachaia ta ollivesea,
te na dukhavel la niko.
4Ni sem joliariko. ¿Ko ka marelpe manchar
e kasta karrnale ta e karrne? Me ka ustavav len,
saurren ka phabarav.
5¿Ko ka phagel me zidura?
Mai sukar te avel manchar ande pas,
ea, te avel manchar ande pas.
6Ka aven llivesa kana o Jakob ka cherel zile,
o Israel ka del lulunlla ta neve krangura
ta e phuv ka pherdol septelie.
7¿A so, dukhada gia sar dukhade le, o
mundarda sargo gola kai mundarde le?
8O Del ka dukhavel lake foro,
vou ikanel len pe bare baliavaia ando llive
katar e balav kai avel katar likel o kham.
9Gia ka avel prostime o bilachipe katar o Jakob,
ka mangel letar samo iek ezgoda,
kana ka drobol sa e barra katar lengo altar
ta ni ka thodon upre e ezgode katar e Asera
ta e slike katar o kham.
10Soke o foro kai si ande zidura ka avel zatrime,
o foro kai zivina but llene ka achel pusti
ta ka achel sargo o pusto,
kote ka jal o guruvorro, kote ka avel leko rindo
ta ka jal sa leke patra.
11Kana leke patra ka sukon, ka phagen len,
diskinie ka aven te phabaren len,
soke gua inai iek foro bizai,
goleke o Del kai cherda le
ni ka avel leke zalba letar
ta ni ka tristolpe letar gua kai cherda le.
12Ande gua llive, o Del ka putarel e phuv
katar o pai o Eufrates llik kai e len katar o Ejipto
ta tumen kai sen chave katar o Israel,
ka aven chidine iek po iek.
13Ta i ka avelpe ande gua llive,
kai ka basaldol zurale e tuturuga
ta ka aven gola kai sea rispime
ande phuv katar e Asiria
ta gola kai sea inllarde ando Ejipto
ta ka blagosin e Devle
po burdo santo ando Jerusalem.#Mt 24.31; 1 Ts 4.16.
Currently Selected:
Isaias 27: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
