Isaias 22
22
E poroka katar o Jerusalem
1E poroka katar e umal e sunengi.
¿So si chuke kai likistan upral po cher che llenenchar?
2Tu kai san iek foro vreno ta veselo,
divome, kai niko ni mulo po jarni,
ta ni mule po maripe.
3Sa che glamne llene nasle ande iek than
te na mundaren len e llide,
sa gola kai sea andre phangle len
pe umpe kana mangena te nasen.
4Goleke mangav te muken man
soke mangav te rovav ando baro avazi,
te ma troman te den man zor
pala e zatrania katar mo foro.
5Soke o Del kai si le sa e zor anda amenge
ande gava llive e burkania, e duk ta e briga,
ande umal katar e sune, te phagel o zido
ta te urki karing o burdo.
6O Elam inllarel e aljaba, e bordonenchar
ta e llenenchar pe gra, a o Kis ikanda o eskudo.
7Che sukar llene pherdile bordona,
ta gola kai llan pe gra logle pasa o udar.
8Ta pucharda te dikhol o Juda
ta dikhilo o cher ando vos kai guruven e ezgode
kai marenpe lenchar.#1 R 7.2.
9Ta dikhlen e thana putarde katar o foro e Davideko sar cherdona mai but ta chidian o pai kai chidiniaol tele.#2 S 5.7; 2 R 20.20. 10Ta llindan e chera katar o Jerusalem, ta phaglan e chera te lachare o zido, 11anadan maskar e dui zidura te nakhel o pai katar o purano than kai chidiniaola o pai, ta na avila chuke liubao pala gua kai cherda le ta ni dikhlan duratar gole kai radisarda te cherdol.
12Goleke o Del kai si le sa e zor
ikharda len allive te roven ta te kukin,
te jaliaren po soro ta te thoven patave zalosne,
13a maskar tumende si dragostia ta veselia,
jan mas ta pien mol mudaren guruvmien thulen
ta chinen e korra katar e bakre ta phenen:
Ja ta pia soke thiara ka mera.#1 Kor 15.32.
14Gaia ezgoda phenda la mange
o Del kai si le sa e zor:
Kai gava bilachipe ni ka avel tumenge prostime
lligo ni ka meren.
Pharuven golen ka radin ande charoina
15O Del kai si le sa e zor phenel gia:
Lla ta de kote kai si gua barvalipe ta lla kai o Sebna ta phen leke gia:#2 R 18.18.
16¿So si tut kate, o ko si tut kate,
kai cherdan chuke iek limori,
soke san pe iak than vazdino ta chere cho limori
soke anavel ando barr te chere chuke iek than?
17O Del kai si le sa e zor
ka inllarel tut phanglo zoriaia
ta ka ucharel cho soro,
18ka chudel tut te taulli tut zurale
sargo iek barr ande iek bari umal, kote ka mere
ta kote ka aven e bordona katar cho baripe,
tu kai san o lallao katar cho gazda.
19Ta ka chudav tut katar cho than
ta ka ikanav tut katar cho rado.
20Ande gua llive ka ikharav me sluga
o Eliakin chavo katar o Ilsias,
21ta ka thovav pe lete che patave
ta ka thovav ande leko va le cho gazdaripe,
ta ka avel sargo dad e llenenge katar o Israel
ta e foroke katar o Juda.
22Ka thovav pe leke zea
klucho katar o foro e Davideko,
ka phandel ta niko ni ka putarel,
ka putarel ta niko ni ka phandel.#Apo 3.7; Mt 16.19.
23Kote kai ka thovav le
ka achel zuralo sargo iek kafrin,
ta ka avel iek trono liubaimako
katar pe dadeko cher.
24Pe lete ka umbladol sa o liubao
katar leke dadeko cher, e chave ta e unukura
sa e tasura minone, katar e tasura
llik kai e suako jarro.
25O Del kai si le sa e zor phenel kai ande gua llive
o kafrin kai si thodo po than zuralo,
ka avel ikando, ka avel phago ta ka perel,
ta o pharipe kai saia thodo pe lete
ka perel ta ka phagol, o Del phenda le.
Currently Selected:
Isaias 22: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
