Isaias 21
21
E poroka po foro Babilonia
1Poroka katar o pusto e morako,
sargo e bari balav katar o Negev,
gia avel katar o pusto, katar e phuv kai daravel
2Bari ezgoda sikada mange o Del.
Gua kai phagel po alav kojavel,
gua kai cherel zatrania zatril.
Uste Elam, Mar tut Media,
na auchin tumen ios.
3Goleke dukhan man me zea,
pherdilem briga, sargo e briga katar iek khamni,
chinilem kai asunav,
ta darailem so dikhav katar so dikhav
4Mo lio chudisailo, merav daratar,
o sil kana perel e riat kai gia saia mange drago,
akana daravel man.
5Lacharen e sinia, buliaren o chiti, jan, pien.
¡Usten, glamne llene len tumaro eskudo!
6Soke o Del phenda mange gia:
Lla ta thov iekhe llene te dikhel
ta te phenel amenge so ka dikhel.
7Dikhla llenen, llene kai llana dui po dui,
ta llana upral pe magarchura ta pe deve,
ta thodape te dikhel mai sukar,
8ta urkisarda sargo liono:
Gazda,
po than katar dikhav sem sorro llive,
ta sorro riat prezou pe mo than,
9aven llene pe gra, aven dui po dui.
Mapalal dia orba ta phenda:
Pelitar, pelitar
e Babilonia, ta sa lenge dela phagla len pe phuv,#Apo 14.8; 18.2.
10¡Ioi foro murno! ustado ta chudino,
phendem chuke so asundem katar
o Del kai si le sa e zor, o Del katar o Israel.
Poroka katar e Duma
11Poroka katar e Duma. Urkin katar e Siria:
Tu kai arakhe, ¿so llalpe ande riat?
tu kai arakhe, ¿so llalpe ande riat?
12Gua kai arakhel phenda:
Avel e thiarin, ta mapapal e riat,
puchen te mangea, puch, irisao, aide.
E poroka po pusto
13Poroka katar o Ejipto.
Ando vos ka nakhen e riat ande Arabia,
tumen kai sen katar o Dedan ta phiren.
14Liken te maladon e trusalea,
inllaren leke pai, tumen kai zivin ando Tema,
den marrno gole kai nasel.
15Soke nasel katar o jarni ostro,
angla o arko chirdino, kai nasel katar o maripe.
16Soke gia phenda mange o Del:
Katar llik kai iek burs,
gia sar si o burs katar gua kai pochinen leke,
ka avel zatrime sa o baripe katar o Sedar.
17Ta ka cherdon cherricha e llene tromane
kai chiden e llide, chave katar o Sedar,
soke gia phenda le o Del o gazda katar o Israel.
Currently Selected:
Isaias 21: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
