Isaias 23
23
Poroka katar o Tiro ta o Sidon
1Poroka katar o Tiro.
Kukin llimie katar o Tarsis
soke zatrime si o Tiro
ta ni achel ni iek cher te de andre,
gaia poroka likisti katar e phuv katar o Kitim.
2Na den orba gola kai zivin pasa e mora,
gola katar o Sidon kai chinen ta bichinen
ta nakhen e mora te chinen peke ezgode.
3O lliu kai anena bariola e paiea katar o Nilo,
ta sena e phuv mai zurali maskar e phuvia.
4Lalla Sidon, soke e zor katar e mora dia orba,
ta phenda:
Nikada ni biandem
ta nikada ni maladila mange,
ta ni bariardem chaurren ni chorren.
5Kana ka avel e viasta ando Ejipto,
ka dukhal tumen so ka asunen katar o Tiro.
6Nakhen kai o Tarsis,
kukin tumen kai zivin pasa e mora.
7¿Ni saia gava tumaro foro
veselo ta purano?
Lake porrne ka inllaren le te zivil dur.
8¿Ko phenda gava katar o Tiro,
kai saia e charonengi, ta kai lako rado
cherenale e charura,
ta chinena ta bichinena lake
e mai glamne llene katar e phuv?
9O Del kai si le sa e zor phenda le,
ta sai peravel o baripe katar gola kai istardon,
ta te zatril sa e glamne llenen katar e phuv.
10Nak katar chi phuv, chei katar o Tarsis,
soke ni ka avel tut ios zor.
11O Del inzarda po va uprl pe mora,
cherda te izdran e phuvia,
phenda katar o kanaan
te aven zatrime lake zidura.
12Ta phenda:
Ni ka veseli tut ios,
chei dukhadi katar o Sion,
uste te nakhe kai o Kitim
kai ni kote ni ka che esmiro.
13Dik e phuv katar e Kadeura.
Gava foro ni saia omanglal, e Asiria cherda la
e llenenge kai zivina po pusto.
Vazdie pe zidura, cherde pe chera,
vou cherda te achel zatrime.
14Kukin, llimie katar o Tarsis,
soke phage si tumare zidura.
15Ande gola llivesa ka avelpe kai o Tiro ka avel bristardo eftavardes burs, so zivil iek charo. Mapalal katar e eftavardes burs o Tiro ka llilabel iek llili kurvichkaki.
16Le e arpa, ta lla truial katar o foro,
kurvichka bristardi, cher iek sukar llili,
llilabe pale te denpe golli tutar.
17Ta kana ka nakhen e eftavardes burs o Del ka avel kai o Tiro, ta pale ka chinel ta ka bichinel, ta pale ka cherel o kurvaluko sa e phuvienchar kai si pe phuv. 18A lengo rado ta sa so ka dobin ka avel dino e Devleke, ni ka guruven le ta ni ka phanden le, soke lako chari ka avel golenge kai sea angla o Del, te jan ta te chalion, ta te furiadon ande glamne patave.#Ez 26.1—28.19; Jl 3.4-8; Am 1.9-10; Zak 9.1-4; Mt 11.21-22; Lk 10.13-14.
Currently Selected:
Isaias 23: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
