Isaias 15
15
Poroka Moab
1Poroka katar o Moab.
Chachimaia ande riat sai zatrime
o Ar katar o Moab, ni asundilo ios
Chachimaia ande riat
saia zatrime o Kir katar o Moab
ta ni asundilo latar niso.#Is 25.10-12; Jer 48; Ez 25.8-11; Am 2.1-3; Sof 2.8-11.
2O Moab llelo kai o Ballit ta kai o Dibon,
kai e thana vazdine, llelo te rovel upral po Nebo
ta po Medeba, ka auchilpe o Moab,
suakoneko soro ka avel jaliardo
suakoneke chor ka aven rrangle.
3Ka chuden o prajo pe pete pe droma,
upral pe pe chera ta pe plase
saurre ka kukin, ta ka phagon ando roipe
4O Esbon ta o Eleale ka urkin
ta ka asundol lengo avazi llik ando Llaas,
goleke ka kukin e boñikura katar o Moab,
ka rovel o lio katar suako lleno.
5Mo lio ka urkil pala o Moab,
e llene kai ka nasen ka llan ando Soar,
sargo telcha trine bursengi.
Katar o drom kai ikhardol Luit kai llal upre
rovindo, ta lengo avazi ka phagol zalbatar
po drom katar Joronallin.
6E paia katar o Nimrim ka aven sukarde,
ta e patra ka sukon, ka meren e lulunlla
suako zelenipe ka merel.
7Goleke o barvalipe kai lien ta kai guruden
inllaren le kai e len katar e kasta sause.
8Soke o roipe thodape truial katar o Moab,
llik kai o Eglallin reslo leko urkipe,
ta llik kai o Ber Elim leko roipe.
9Ta e paia katar o Dimon ka phendon rat,
soke me ka anav po Dimon
ios mai baro bilachipe,
lionura pe gola kai ka nasen katar o Moab
ta pe gola lai ka achen pe phuv.
Currently Selected:
Isaias 15: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
