Isaias 14
14
Irinpe katar o pusto
1Soke e Devleke ka avel zao katar o Jakob ta pale ka esviril e Israele ta ka cherel le te zivil ande pi phuv ta ka llan lenchar llene katar aver phuvia ta ka aven thode ande vicha katar o Jakob. 2
E espurnia po charo katar e Babilonia
3Ta ando llive e Devleko te cherel tut te ave esmiro katar cho rado ta katar chi dar ta katar e duk kai die tut te ave sluga dukhado, 4ka phene gala sukar alava te mare espurnia katar o charo katar e Babilonia:
¡Savo son avilale o bilacho,
savo son avila le o foro barikano!
5O Del phagla e zor katar e bilache,
o gazdaripe katar e glamne llene,
6gua kai dukhavela e foronen suako llive,
gua kai gazdarila pe phuvia silnomaia
ta llala pala e llene bizaoia.
7Sa o sueto si esmiro ta ande pas
ta llilabie veselimatar.
8Llik e kasta siprese veselisaile pala tu
ta e sedrira katar o Libano ta phenena gia:
Sar kana tu mulan, niko ni avel te chinel amen.
9O limori incha tele darailo tutar,
llungada mulen te liken te dikhen tut
katar tu ka ave,
cherda te usten katar pe stoliche
sa e glamne llene katar e phuv,
sa e charura katar e phuvia.
10Saurre ka urkin ta ka phenen:
¿I tu jasardan e zor sargo amen
ta cherdilan sargo amen?
11Cho baripe fulisto ando limori
ta cho basaldipe katar che arpe,
chi postelia ka aven cherme
ta e cherme ka ucharen tut.
12¡Sar pelantar katar o miloso cherain,
chavo katar e thiarin peradino avilan pe phuv,
tu kai cherea e phuvien te jasaren pi zor!#Apo 8.10; 9.1.
13Tu kai phenea ande cho lio:
Ka llav ando miloso, chak upre,
pasa e cheraia e Devleke, ka vazdav mo trono
ta po burdo katar o alav chacho ka besav
karing e thana katar o norte.
14Chak upre kai e oblakura ka likav
ta ka avav sargo o Del,
15A tu san peradino chak kai o limori
ande thana katar e jar.#Mt 11.23; Lk 10.15.
16Ka den tenemava angla tu
gola kai ka dikhen pe tute
ta kana ka dikhen tut ka phenen:
¿Gava si o lleno kai cherela te dermolpe e phuv
ta kai izdravela e phuvien,
17kai cherda te achel e phuvia sargo o pusto,
kai zatrisarda lenge forura,
kai nikada ni mukliarda lenge phanglen?
18Sa e charura katar e phuvia,
saurre mule ando liubao ta akana
suako iek si ande po limori,
19a tu tradino san katar cho limori
sargo iek kastorro chudino,
sargo e patave katar e llene mule po jarni,
kai chudie len chak andre ando limori,
sargo e esnage katar e mule kai ustade len.
20Tu ni ka ave llindo lenchar ando limori
soke tu zatrisardan che phuvia,
mundardan che foro.
Nikada ni ka den po anav
e llenen katar o porodo e bilachengo
21Lacharen lenge chaurren te mundaren len,
pala lenge dadengo bilachipe,
na usten ta te na avel lengi e phuv
ta te na pheren forura e phuv.
22Soke o Del kai si le sa e zor phenel gia:
me ka vazdiniaivav pe lende,
ta ka ikanav katar e Babilonia lako anav
ta kogo achel, chavo ta unuko.
23Ta ka cherel te achel sa ando pai
ta ande thana paiastale, ta ka metiv la
e metlaia katar e zatrania,
gia phenel o Del kai si le sa e zor.
E Asiria ka avel zatrime
24O Del kai si le sa e zor jala sovel ta phenda:
Ka cherdol gia sar mislisailem,
ta ka avelpe gia sar me manglem,
25Ka phagav e Asirio ande mi phuv,
ta ka ustavav le pe me burdura,
ka ikanav o pharipe katar lenge zea
ka mukliarav me foro katar leko pharipe.
26Gava si so chindem pe sa o sueto
ta gava si o va inzardo pe sa e phuv.
27Soke o Del kai si le sa e zor manglale gia,
¿Ta ko ka achavel le? Ta leko va inzardo
¿Ko ka cherel te lel le kotar?#Is 10.5-34; Naj 1.1—3.19; Sof 2.13-15.
E poroka pe filisteura
28Gaia poroka saia kana mulo charo o Ajas,#2 R 16.20; 2 Kr 28.27; Jer 47.1-7; Ez 25.15-17; Jl 3.4-8; Am 1.6-8; Sof 2.4-7; Zak 9.5-7.
29na veselisao tu, sa e Filistea
pala o meripe katar gua kai dukhavela tut,
soke katar likisto o sap ka likel aver sap
ta ka likel latar iek sap kai furial.
30Ta e purve chaurre katar e chorre
ka avel len char
ta gola kai inai len niso ka inzon esmiro,
a me ka cherav te merel bokhatar che zile
ta ka zatriv so achela tutar.
31Auchisao udar, urkisar foro,
sa phagi achilan Filistea,
soke katar o norte ka avel o thuv
ta ni ka achel ni iek kote kai chidiniaon.#Jer 47.1-7; Ez 25.15-17; Jl 3.4-8; Am 1.6-8; Sof 2.4-7; Zak 9.5-7.
32¿Ta so ka phendol golenge
kai aven katar aver phuvia?
Kai o Del cherda o Sion, ta kai late ka aven
e llene dukhade katar leko foro.
Currently Selected:
Isaias 14: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
